معك حق

جزاك الله خيرا

انصح اي بنت لما يجيها الخاطب تسال عن دينه

كثير مايبون الطلاق عشان ماينقال عنهم (مطلقات) !!!!!
فيه خوف رهيب وعجيب من كلام الناس !! ، اعرف وحده هاجرها زوجها ومايصلي ويشرب ومايشوفها الا كل كم شهر ومايصرف عليها وياخذ من فلوسها
ومع كذا لا جاب احد طاري الطلاق تكهررررربت حتى لو الموضوع مايخصها ، خوفاً من ان اللي يتكلم يلمح عليها
وكل ماجاء طاري زوج سيء تقول عادي مو مشكلة الوحده تقعد مع اسوء واحد بالعالم ، المهم ماتتطلق والله بيعوضها
والمصيبة اللي تجي وتفتي لك ان الطلاق مايجوز :|
مع ان بعد الرسول عليه افضل الصلاة والسلام فيه نساء تطلقوا لأنهم كرهوا ازواجهم
وبعهد جداتنا وامهاتهم كانوا يتطلقون اذا ما انسجموا مع بعض ، يعني لا الدين ولا العادات ضد الطلاق مثل ما كثير يبررون
حتى العادات والمجتمع موووو ضد الطلاق
البعض لو يقتلها بتقعد معه اهم شي لا تتغير حالتها الاجتماعية من متزوجة الى مطلقة
والادهى والامر اللي تقول قاعده عشان عياااااالي ، عيالك صحتهم النفسية بأنهم يتربون بين اب وام كويسين او بدون احدهم
مو صحي انهم يتربون بين اب سيء وام تعبده وتراكض وراه ومطنشتهم لعيونه ، كذا انتي تبهذلينهم وتضحين فيهم وفس نفسياتهم في سبيل انك تستمرين بزواجك

بنات مايجوز انتو كمان تفتون في شي مثل كيذا نص الشعب ما يصلي مااعمم الجميع مستحيل وقلة قليله المساجد غير مكتظه بالمصلين حتى المؤذن حق الحي عندنا باكستاني ,, على كيذا بيتطلق الشعب كله ,,
الفتاوى هذي صحيحه يمكن بس اصبح الان فيه قياس ولو سئل عنها ابن عثيمين في وقتنا الحاضر لكانت فتوى اخرى
مثل حد السرقه هل يطبق الان ؟؟؟؟

انا عمي كبير في السن الله يهديه ,,, ماعمري شفته يصلي للاسف متزوج من انسانه عاديه ملتزمه تصلي وعندها ولد مطوع بعد ولله اني صادقه .. مع العلم ان عمي اخلاقه عاليه جدا بس ما يصلي وعنده 8 اولاد ! وكمان عنده زوجه ثانيه فهل لابد من عمتي انها تطلب الطلاق منه ويتشتتون عيالها بالرغم ماعندهم بيت ملك ووضعهم المادي مقبول ووجود عمي بينهم مهم لأن اولاده متعلقين فيه ,,, بس اللي اعرفه ان علاقته بعمتي مو مرا ,,,

وكمان اعرف وحده نفس الشي بنت متزوجه شاب لا هي تصلي ولا هو ,, يقربون لي
واعرف كمان واحد هو يصلي ومرته ما تركعها ,,
والله على ما اقول شهيد ,,,

فمو معقول يتم الطلاق بين هذول كلهم ولو تم بيتزوج غيرها وهكذا ,,,
الحياه ماشيه ,,, وكلن يعمل على شاكلته فربكم اعلم بمن هو اهدى سبيلا ,,,
ومعروف ان كل امرأة تقتلها الغيره قبل كم يوم كلمت صحبتي ومع السوالف قالت تخيلي زوجي يتزوج قلت عادي حلاله واضحك قال مستحيل يا ويله قلت عادي يخونك ؟ قلت يخون ولا يتزوج علي !!!!!!!!!!!!!!!!!!!!!!!!

وجهة نظري ارجو انها ما استفزت المدرعمات ,,