أفضل وقت لعزل الطفل بعمر السنتين إذا كان يرضع من أمه وممكن قبلها إذا مايرضع..

هذا كلام المختصين وشفته بـ برنامج سوبر ناني وعن تجربة شخصية..

فصلت بنتي الاولى بعد مافطمتها بعمر سنة وعشر شهور بغرفة مستقلة بس قريبة من غرفتي والجهاز عندها..

وبعدين حملت وكنت أقول لها حرام النونو صغير نحط له سرير بغرفتي عشان أعطيه حليب زيك لما كنتِ صغيرة عشان ماما ماتتعب وتروح كل شوي تجيبه وترضعه..

وقتها كان عمرها ثلاث سنين وثلاث شهور وتقبلت ياقلبي ورحمتني قلبها طيب..

وبنتي الثانية ياقلبي مارضعت مني إلا ست شهور بس وبعدها حطيت سريرها بغرفة أختها..

وإذا تبون أقول لكم كيف فصلت الاولى بهدوء ابشروا بس الحين مستعجله.

كح كح كح

أثر الموضوع مغبر وأنا داخلة أرد متحمسة خخخخخخخخخخخ

دنيا الفرحه

كملي الله يعافيتس

ترا للحين حوسه

جبت اخو مب اخت وعزلته مع اخوه يوم كمل 10شهور

وصار الوضع طبيعي بس هالايام ياااااااحبة عيني الصغير

صاير يقوم بالليل ويجي لمي يصيح ولايسكت الا اذا نام بجنبي وهمن لاقمن القى الكبير

جاي وصاف معنا تخيلي اربعه بالسرير ههههههههه

الوضع صار صعب والله ضايق صدري عليهم

افكر احط لي سرير معهم بس الابو من نخليه له

انا عندي بنتين 4ستوات والثانية سنة

مررره متحمسة انقلهم بس المشكلة ان غرفتهم ابوهم حاطها مجلس له تلفزيونه وجهازه واكله وقهوته فيها


غرفتي كبيره مررره
تخيلي سرير بنتي الكبيره لاصق بسريري واحيانا تنط وتنام معي ..