ايش التفكير السئ هذا عين وحسد على حمل كل العالم تحمل وتلد حتى الحيوانات اكرمكم الله تحمل وتلد الواحد يتوكل على الله وخلاص اللي ربي كاتبه بيصير هذا انا الحمدالله حملت حتى عن طريق الحقن المجهري واول ماعرفت اني حامل العائله الكريمه كلها داريه وماشاء الله ماصار لي شئ اهم حاجه التوكل على الله

انا اذا تأكد الحمل على طول اعلم امي الله يحفظها وهي تتكفل بالباقي ههههه

سبحان الله يا معانقة الخيال .. ذكرتيني بموقف.

أخت زوجي ربت ولدها قيصيري من سنة .. وقالت لنا ان زوجها من عقب الولادة وهو يحن عليها عشان تحمل وعطاها إنذار: عندج أربع أو ست شهور ولازم تحملين على طول .. الله يهديه بس .. ويوم قالت لي هالكلام نصحتها ما تسمع كلامه وعلى الأقل تنتظر سنة عشان صحتها لأنه حسب ما اعرف مب زين تحمل على طول عقب القيصيري.

المهم من كم شهر يتنا وقالت لنا انها حامل .. ووقت ما قالت كان لها ثلاث شهور وشي تقريباً .. وانا بصراحة استغربت وبان علي الاستغراب لانها نفذت كلام زوجها .. يعني استغرابي كان استنكار .. لكن ام زوجي الله يهديها ما ادري كيف فهمتني وقامت تكبر على بنتها جدامي :) .. مع اني رغم اني ما كنت مؤيدة انها تحمل في هالفترة لكني تميت اقول لها: ما شاء الله تبارك الرحمن.

عاد بنتها هذي بالذات كانت اول وحدة اقول لها اني حامل .. والشهادة لله فرحت لي وقالت لي لا تقولين لحد واصبري لين الثالث على قولتكم .. لكن انا طبعا ما سمعت الكلام .. واول ما سمعت نبض النونو قلت لولدي العود ينشر الخبر بينهم كلهم.



القصد .. انا ما باعاقب اللي تخبي حملها لانها تخاف من الحسد واعاملها بالمثل .. لأنها في نظري مسكينة وموسوسة بزيادة .. وانا باتصرف بطبعي وقناعتي أنا وباكون احسن منها.


والله يحفظج ويحفظنا يا رب :)

تخيلووووووووووووو انا لما اشك اني حامل اقول على طول والناس طفشو من العيال الله واكبر

مالو داعي تخبي اذا احد سالك قولي واذا محد سالك لاتقولي بس انا غيرررررررررررر

على طووووووول الجزيره خخخخخخخخخخخخخخخخ الله يقومك بالسلامه حبيبتي

والله اشوفه شي شخصي .. اللي بيفرح لك من قلب امك وام زوجك وخواتك فقط ... والباقين اذا عرفوا يبدأوا يتكلموا .. لو كنتي جايبه اطفالك ورى بعض قالوا مسرعها .. واذا لك فترة ما حملتي جلسوا يحسبوا لك كم لك سنه ما حملتي واخيرا حملتي ... ولو كان عندك بنات بيقولوا ما حملت الا تجيب ولد .. واذا كان عندك اولاد قالوا متصربعه على البنت والاولاد احس من البنات .. واذا عندك اولاد وبنات قالو كفايه ليه تحمل .... يعني الناس ما تخلي احد في حاله ... وترى اقائمه تطووول يعني اذا علمتي بدري والا ما علمتي والله يعيننا على عقلية بعض الناس .... ليه الوحده ما تقول الله يتمم لك بخير ويرزقك الذرية الصالحه لان فيه ملك يقول ولك بالمث يعني دعوتك الطيبه لها رجعت لك ومن ملك ...
وحده اعرفها لما قالت لما عن خبر حملها وهي بالرابع قالت ما كنت بقول لكم الا في السابع .. بصراحه مدري وش تحس فيه لو سكتت افضل لها .. محد فكر فيها بعد لو خبت للتاسع يكون افضل ...بس هي ماشاء الله ما تتوحم ولا يبان عليها ابد ...