اللي تقول ليش اهل زوجي مايعلموني انا اقول لكم ليش
شوفو ياطويلات العمر
انا مثلا لما عرفت اني حامل
زوجي قالي لاتخبرين احد لين ما يثبت وتعدين الثالث
وانا قلت له ما اقدر اخبي على امي وخواتي
والله يعلم لو كانت امه عايشه جان قلتها من اول يوم
بس زوجي امه متوفيه وماعنده خوات بس حريم اخوانه اللي علاقتي فيهم سطحيه لاني من تزوجت سافرت وما احتكيت فيهم بس مجاملات بالمناسبات
قلت اول شي لاخواتي وهم قالو لي ان امي موصية انك اذا حملتي ماتقولين لين انتي بالرابع
وامي بدولة ثانيه مع اخواني وحرمة اخوي وهي مريضه وماتسمع يعني بسبب المرض فقدت السمع بعيد عنكم
وقالت لي اختي الكبيرة ان امي لما جاتهم قالت لهم قولو لزهرون لا تعلمين الا لاما تخلصين الرابع
وامي طبعا لانها ماتسمع انا دايما اقول لاخوي او مرته وهم يعلمونها
بس هي موصيه اني ما اعلم حتى اخوي لانه ما يخش عن مرته
ومرته عسل عسل عسل كلش حليوه بس ما تخبي عن اهلها اللي هم رويترز يعني يتحجون بالاكو والماكو
خشيت عن الكل ماعدا خواتي
بس الاسبوع اللي طاف حاجيت امي وكانت حيل متضايقه فحبيبت افرحها واقولها
وفي هذاك اليوم خواني كلهم درو

اذا اهل زوجج ما قالولج مو لانهم مايحبونج لا لانهم مايبون احد يدري وهذا من حقهم
بس اهم شي هل انتي بتحفظين اسرارهم عن امج وخواتج هنا المحك؟؟؟
خليهم يثقون قيج
عن نفسي اسرار زوجي واهلى والله مااعلم عنها ختي امي لانه سر
طولت عليكم مو صح السموحه

السلام عليكم و رحمه الله و بركاته.........

خوفتونى بنات...يعنى نقول ولا لأ؟؟؟؟؟

أنا دحين لسه شهر و كم يوم

و لا قلت لأحد بس زوجى و هو من النوع اللى الحمد لله ما يحب يتكلم فحتى أهله و أمه ما قال لها لللآن.
و أنا ما قلت لأحد أمى متوفيه و ما قلت لأحد من أهل أمى ولا أبوى غير أخوى لأنو كنا مخططين نروح نحج أنا وياه و زوجى .
حتى أبوى ما قلت له....أستعبط و أقول ما كنت أدرى
ولا بيقولوا شوف البنت تخبى علينا
و الله محتاره بالمره و مانى عارفه

و السلام عليكم

اذا عديت التلات الشهوور الأولى اتكلم
يعني الين مايثبت الحمل

اهل زوجي اشوف انه بعد الثالث داخله بالرابع بس الوحم يفضح ههههههه
والناس بالخامس

زيي ماحد يعرف الا خواتي ولا حماتي اخت زوجي لانها قريبه لقلبي وسلفتي لاني اعتبرها زيي اختي وباقي الناس ماعلم لين يثبت واذا ثبت واحد سألني قلت له الصدق لييش الكذب.. وبالعاده ماحد يسأل الا اذا شافوا كرشتي نطت