متى تعودين طفلك على خلع الحفاضات واستعمال التواليت؟

انا ولدي صار يروح الحمام ( الله يكرمك ) وعمره 3 سنوات ..

..

والله انا ولدي اللحين بيكمل سنتين وتسعه شهور وناويه اعلمه بس بعد رمضان مالي خلق حوسته وانا صايمه..لانه يبغاله واحد رايق شوي وكل شوي يسحبه للحمام..فقلت اخليها بعد رمضان احسن علشان مابدا وبعدين نرجع للحفاظ..
وانا احس ان المناسب من سنتين ونص الى ثلاث..

اهلا اختي
انا بالنسبة لاولادي الاثنين الكبار ابتديت معاهم على السنتين ونص وكانوا يطلعوا عيني
الصغير الحين 2 و10 شهور تقريبا وابتديت معاه على خفيف جدا احس ما عنده استعداد بالمرة فقلت اخليه لبعد الشهر الكريم وترى المسألة تعتمد بشكل كبير على الطفل نفسه انتي متى ما حسيتي عنده استعداد ابدأي وتوكلي على الله ..
الله يعينك انا احسها نص تربيتهم وهم صغار سالفة التعويد على الحمام ...
مع انهم اذا كبروا تحسيها هينة ولا شي جنب تربية الاطفال والمراهقين ..
لا اخوفك الله يسهل لك امورك ويهدي اطفالك واطفالنا واطفال المسلمين ..
مع محبتي

انا عندي ولد عمره سنتين وشهر

الكل يبخوني على لبسه البامبرز
والله اعلم قد ايش انا تعبانه معاه

للأسف مو مقتنع بشي اسمه حمام

ارجوكم بماذا تنصحوني ولكم جزيل الشكر
لاإله إلا أنت سبحانك إني كنت من الظالمين

انا بديت معاه قبل مايكمل السنتين بشهر..والحين هو سنتين و5 شهور خلاص صار حتى بالليل مايلبس بامبزر..
في بدايه اول شهر ابتدي معاه في البيت يعني من الصبح لحد العصر مثلا او المغرب كل مايشرب ماي او ياكل دخليه الحمام..ولاتلبسينه الا لما تطلعون وبالليل لما ينام ..بيتعود شهر وبعدين ابتدي شيلي البامبرز في الطلعات البسيطة مثل بيت اهلج او مشوار صغير..شوي شوي تلقينه خلاص هو مايبي البامبرز