والله سؤال حلو وانا دايما اسال نفسي إذا كنت أحبه أو لأ بس مو هو الحب المهم ربي سبحانه وتعالى قال وجعلنا بينكم مودة ورحمة يعني هذا هو المهم واللي طبعا يجي مع العشرة واللي يبقى بين الزوجين لغاية الممات..
نجي لأسئلتك ...متى حبيته والله طولت لغاية ماحسيت بإني احبه يعني تقريبا بعدخمس سنوات
الصفة اللي خلتني احبه هي طيبته والحمد لله ماهو عصبي ولاعمره غلط عليا بكلمه بالعكس محترمني ومحترم اهلي..
موقف نبيل ........ لايوجد
كم سنة متزوجين ....قربنا نكمل إحدعشر سنه ولله الحمد ........ماشاءالله مر ت بسرعه والله

لا اله الا الله
سبحانك اني كنت من الضالمين

تفاجأت من بعض ردود العضوات
يعني اللي عايشه على الهامش ما تحب ولا تكره.......لازم تسوي شي........
واللي تقول يعني لازم احب زوجي؟؟؟.... اجل تحبي مين؟؟؟..اانا اشوف ان لاحترام وحده ما يكفي مع انسان راح اقضي طول عمري معاه
لازم يكون لنا موقف حتى نرتاح
لا نفقد الامل ان الوضع راح يتغير للاحسن

متى بدت تحب زوجها
يعني بعد كم يوم او كم اسبوع؟؟؟

بالنسبه لي مره أحبه وعشر مرات أكرهه ممممم مدري هالحاله وش يسمونها


ووشهي الصفه اللي خلتك تحبينه؟؟

وقت الحاجه القاه قريب مني ويحسسني بالامان


ووش هو الموقف النبيل اللي ماتنسينه له ؟؟

مافي موقف معين وللاسف مواقفه اللي تجرح كثيره


كم صار لكم متزوجين ؟؟

ثلاث سنوات ونص

متى بدت تحب زوجها
يعني بعد كم يوم او كم اسبوع؟؟؟


من ايام الخطوبه وطبعا زاد بعد الزواج


ووشهي الصفه اللي خلتك تحبينه؟


ايام الخطوبه حبيته لخفة دمه وشخصيته لفتتني .. لكن بعد الزواج اختلف معنى الحب عندي ما شاء الله تبارك الله صرت احبه اكثر لانه حنون علي صبور ويقدرني ويراعيني ومايضغط علي ابدا في الطلبات وشغل البيت احسه يسعى يريحني وكمان لانه يحب اهلي ويحترمهم وقمه في الاخلاق معهم
بس اتمنى يخف من عصبيته وكلامه الجارح اللي يقوله وهو معصب وظنه السيء احيانا ويتفرغلي شوي ..


ووش هو الموقف النبيل اللي ماتنسينه له ؟؟


موافقه كثيره معي ومع اهلي كلها ما انساها .. بس اللي اتمناه اني انسى موافقه الجارحه احيانا ..


كم صار لكم متزوجين ؟؟


سنه ويارب نعيش سوا العمر كله ولايغير علينا الى للاحسن يارب