متى حسيتوا باعراض الحمل قبل ولا بعد الدورة

السلام عليكم ورحمة الله

مرحبا خواتي بغيت أسال اللي مروا بتجربة الحمل وربي رزقهم بعيال ..
متى حسيتوا بإعراض الحمل ؟
قبل الدوره او بعدها ؟
وشو الأعراض اللي حسيتوا فيها ؟
ومتى سويتي تحليل المنزلي وتحليل دم ؟

عن نفسي ماعندي أطفال بس مريت بتجربتين حمل مختلفين عن بعض وحصل معاي اجهاض وربي يعوضني ويرزقني ويرزق كل محرومه بالذريه الصالحه ..
يمكن تجاربكم تنفعني وتنفع غيري ..

تجربتي في الحمل الاول قبل موعد الدوره بعشرة ايام كان عندي صداع قوي ومستمر مع تكرار البول الله يعزكم وماكنت متوقعه حمل وكنت خايفه ليش صداع مستمر وسرت العياده عشان اعالج الصداع بس الدكتوره قالت لازم فحصل حمل وبعدها فرحت لما عرفت اني حامل .. بس ربي ماكتب لانه النبض وقف في الاسبوع التاسع

والتجربه الثانيه كانت غير ابدا ماحسيت شي قبل الدوره بأسبوعين طلعت مع صديقتي وكنت امشي وامشي لين تقريبا اكثر من ساعه في مول حسيت بغثيان وهنا شكيت يمكن حمل لما تأخرت علي الدوره يومين والدورة عندي منتظمه وبعدها سويت تحليل منزلي طلع ايجابي وبعد صار اجهاض لانه مافي نبض وسويت كل التحاليل عن الاجسام المضاده وتخثر الدم وطلعت تحاليلي سليمه ..دعواتكم لي ولكل محرومه بالذريه الصالحه .