غبية لما تنازلت عن حقوقي وقمت بواجبات غير واجباتي سوا لزوجي واهله
ذكية لما ادركت مدى تقصيري مع امي وابوي واحاول حاليا اعوضهم عن اللي راح والله يغفر لي زلاتي

الحمدلله ماقد حسيت نفسي غبية لاني ولله الحمد حذرة جدا
الا فترة من الفترات طيحت الميانة من ناس ماتستاهل وكانت
كذا علاقة وحده مع جارتي والثانية مع بنت خالتي واسراري
كلها عندهم بس انصدمت صدمة عمري وحرمت اشكي لأحد
غير امي وأختي وبس وأما غيرهم يايفضحونك أو يتشمتون
فيك للأسف الشديد
والأغلبية أحس نفسي ذكية الحمدلله يارب لاني اعرف اللي قدامي
اش يبغى واش الفرض من تصرفه والحمدلله هذا ورثته من الوالد
الله يحفظه ويطول بعمره ويشفيه كان يفهم الواحد قبل يتكلم
وبس

حسيت نفسي ذكيه ..لما وصلت بيني وبين زوجي للطلاق ..
وكنت حامل وماعلمته ..
المهم انه خلاص وصل الطلاق وماعاد فيه تراجع والسبب تافه بس عزة نفسي ماسمحت لي ..
وكنت عند اهلي ..فاتفقت مع امي ..اني اسوي نفسي تعبانه .وهي تدق
عليه كانها ماتدري انه احنا متهاوشين ..وتقوله احتاج المستشفى
وهناك كشفوا اني حامل ورجعت المياه لمجاريها .. 

وغبيه ..يوم تركت الدراسه ..ويوم اخترت تخصصي بناء على رغبة الناس 

احس اني غبيه لمااشوف كل الناس انهم طيبين وماعندهم نوايا وحرام مساكين مع ان زوجي يقولي والله انتي المسكينه خخخخخخخخ
اما احس نفسي ذكيه لسه جاري البحث عن تجربه دلت على ذكائي ( فيس يفكر وشكله مطول بالتفكير خخخ)

غبيه إذا عطيت احد اكبر من مستواه و اقدرة واحترمه ع حساب نفسي
او إذا طنشت لضد نفسي ولغلط بحقي
وذكيه إذا تصنعت الغباء ف امور حياتي الخاصة او حياه اهلي
و إذا تصنعت الغباء او عدم المعرفة
بامور تخص غيري لاني متاكدة انهم عارفين لكن حابين يضموني لها لشئ ليقولوا إنسكابة قالت او سمعت من إنسكابة