متى سيتطور منتدى حواء ليناسب المرتبة العالية اللي اخذها؟؟

السلام عليكم ورحمة الله وبركاته ...

يا بنات انتوا ما لاحظتوا ان صفحة الرد على موضوع (او موضوع جديد) صارت الازرار اللي تتحكم في النص أقل من قبل؟ يعني مثلا قبل كان في تضليل للنص ....او مثلا نسوي حركات للنص ...وفي اضافة صفحة انترنت ..وغيرها وايد ...

الحين الستايل قدييييييييم ومافي خيارات وايد :( فكيف ارجع للستايل القبلي ؟؟؟


وبعدين الرد السريع لييييييش مافيه وجوه نضيفها نفس قبل :(

مادري ليش المنتدى صاير متخلف من هالناحيه ...سمحولي على هالكلمه بس شوفوا المنتديات الثانيه كيف ...الوجوه اشكال والوان ...والرد السريع فيه اضافة صوره واضافة رابط وفيه كل شي وفيه وجوه وايد ...بصراحه صرت اغار وابغي منتدانا الحبيب حواء يكون مثلهم واحسن ...

حتى قسم تحميل الصور لين الحين ما رجع معقوله منتدى كبير مثل حواء مافيه قسم تحميل صور ....صح انهم سووا منتدى تحميل الصور بس الصور اللي في المرفقات لها حجم معين يعني لازم نصغر الصوره وايد علشان تتحمل ! تعب والله ...

هذا غير طبعا مثل ما عارفين مشكلة التوقيع ...وغيرها وغيرها ...


ادري ان المضمون هو الاهم يعني المواضيع اللي فيه تكفي انه يكون احسن منتدى بس انا اتكلم من الناحية التقنيه والشكليه والمميزات والخصائص :)


يارييييييت يتطور المنتدى ويواكب المنتديات الثانيه لأنه عزيز علينا ولأنه اخذ مرتبه عالية فلازم يكون قد هالمرتبه من الناحية الشكليه صح ولا لا؟ :)



مع شكري وتقديري للقائمين على هذا المنتدى الرائع :26: