متى نتخلص من هالغباء؟؟

السلام عليكم :)

تدرون وش مشكلتنا نحن النساء؟

اننا نحلل واجد وكل تصرف او كلمة نحللها بمليون الف تحليل وكلها طبعا بشكل سلبي

واعطيكم مثال
وحده تدق على زوجها وتلقى معاه انتظار :eek:



تقوم الدنيا ماتقعد وتبداء الظنون والافكار
اكيد يكلم وحده ثانية اكيد مايبي يرد علي انا مو مهمه عنده
اكيد مايحبني اكيد ومليوووووووون اكيد
وبالاخير
:44:
وبعد استنزاف الافكار السلبية
يطلع الرجال المسكين يكلم امه ولا يكلم رئيسه بالعمل ولا حتى واحد من خوياه ومايبي يتفشل عنده ويقطع السالفه

بنات انتم قيسوا على انفسكم تقدرين تقطعين مكالمة مع وحده من صديقاتك قاعده ومتحممممسه وتسولف وتقولين لحظه جاني خط؟
انا ما اقدر بصراحه واستحي خاصة اذا علاقاتي معها مو قوية مره


يابنات التفكير السلبي وتحليل الاشياء بطريقة سلبيه يؤثر على حياتنا ويخليها فعلا تنقلب سلبيه وخاصة في الحياة الزوجية
العلاقة الزوجية المبنيه على الشك والغيرة والتحليل السلبي دائما تكون مشاكل وهواش
يعني مثلا لو دقيتي على زوجك ولقيتي انتظار
وقلتي اكيد مكالمة مهمه
وانتظرتي عشر دقايق ورجع دق عليك وقالك اسف حبيبتي كان معاي مكالمة مهمه
مو احسن من عوار الراس الي كان بيصير لو حللتي الموضوع بشكل سلبي

بنات ادري انه شئ في طبيعتنا وانا بنت زي زيكم وافكر بنفس الطريقه بس لما اذكر نفسي ان هالطريقه غلط وابداء احث نفسي على التفكير الايجابي تتغير نظرتي للموضوع
والانسان المسلم هو الي يجاهد نفسه ويحارب التفكير الي يخرب عليه حياته

الرسول صلى الله عليه وسلم قدوتنا
عمره ما ظن في احد ظن سوء وعمره ما حاسب احد او تسرع بالحكم عليه
كان صلى الله عليه وسلم ينتظر ويستمع

التفكير الايجابي هو طريقنا والحل الوحيد للغباء وللحالة النفسية السيئه الي نعيش انفسنا فيها دائما

يعني قبل ماتتضايقين قلبي الموضوع في مخك وعلى طول حاولي تستحضرين الافكار الايجابيه وحطي مليون عذر ايجابي لتصرف الشخص اللي امامك سواء كان زوجك او ابوك او اخوك او صديقتك او اختك او حماتك

واللي خلاني اكتب هالموضوع لاحظت اكثر من بنت تكتب موضوع عن اشياء ماتستاهل ان الوحده تشك فيها
يعني الي زوجها مقفل جواله والي زوجها مقفل الكمبيوتر والي زوجها تأخر واللي زوجها يسافر لحاله
وكانها تنتظر احد يقولها زوجك يعرف بنات او زوجك متزوج عليك

ترى الزوج انسان زيك
له خصوصياته وفيه بعض الشخصيات ماتحب احد يتدخل بخصوصيتها حتى لو كان شئ تافه لان الرجل يحسه تعدي على رجولته اذا الوحده سألته عن كل صغيره وكبيره
اصلا مو حلو في حقك تجين تسألينه ليه مقفل جوالك برقم سري ولا ليه ماتبيني افتح الشنطه الفلانيه

حتى انتي لو بتحسين زوجك يسألك عن كل صغيره وكبيره تنجنين وتقولين شكاك ومو واثق فيني هذا اذا متهاوشتي معاه واشتكيتي عند اهلك

صدقوني بنات الوحده عشان تمشي حياتها المفروض ماتدقق وبنفس الوقت ماتكون غبيه وينلعب عليها لا
الوحده تكون معتدلة
ماتشكين الا اذا شفتي شئ كبيييييييييييييييير
فيه قاعده تقول
شك+زواج= خراب بيوت
اعتدال وافكار ايجابيه+زواج=حياة هاديه وسعيده

بنات لاتنسون ان ديننا الحنيف حذرنا من كثرة السؤال

اتمنى انكم تستفيدون حاولت اوصل كل الافكار الي في راسي مع انه في كلام كثير ودي اقوله بس احس اني زودتها :D

اتمنى لكم حياة سعيده بتفكير ايجابي اكثر