متى نترك الناس في حالها ؟!!'

عزيزاتي السلام عليكم ورحمة الله وبركاته
موضوع في بالي من فتره
كل مره يزيد الاصرار لكتابته
واللي خلاني اكتبه موضوع احدى الاخوات هنا

دعوا الخلق للخالق
شفتي شيء ما يعجبك
سمعتي شيء على غير هواك
طالما ماهوا حرام ؟!ليش ما نترك الناس في حالها
وحده كبيره و معاها بلاك بيري
الناس تتكلم فيها و تتهمها بالمراهقه المتأخرة
صحيح الجوال اغلب اللي يمتلكونه مراهقين
لكن هم لا يشوفونه حق من حقوقهم انهم يمتلكون اي جهاز يبغونه
هذا شي ء راجع لهم مالنا حق نتدخل ونسب
ومع ذلك المجتمع شغال انتقادات

وحده كاتبة توبيك لصديقتها لاختها لاي كان
مالنا حق نحاسبها
في النهايه احنا ما نحب احد يمشينا على كيفه
وعلى كيف ذوقه واللي يشوفه عيب ما يكتبه

اذا شيء حرام وعيب بشكل كبير ننصح
لكن لمجرد انها ما ناسبة اذواقنا
احنا ايش دخلنا ان شاء الله تكتب عشرين سطر
هي حره .!!!!!
مثل وحده كاتبة
يارب ابني يكبر وياخذني مع حجاج بيته
فيها شيء؟!
و جات وحده مدرعمه انتي تتفاخرين بولدك
وانك متزوجة ومتخلفه ترا حتى قطاوة الشارع تولد
بالله هذا اسلوب
انا ماني فاهمه ايش العيب والحرام في الكلام المكتوب!
يعني نمنع كل شيء لانه عكس هوانا والا لاننا نستحي نكتب مثل هالكلام؟!!!!!


المثال الثاني بنوته دايم متصله في الواتس اب
وفيه ناس مو عاجبها
تقول من الفضاوة
نفس الكلام اعلاة البنت متعتها في السوالف والتواصل
واللي ينتقد انسان مو اجتماعي يدخل بالسنة حسنه
هل يعقل ان الاولى تطلع من شخصيتها عشان ترضي الثانية
ما ضرتها بشيء ولا جابت سيرتها خلاص ان شاء الله تشتري البرنامج باسمها احنا مالنا ؟!!!




وياكثر الامثلة خارج الواتس اب والبيبي مسن
انسانة تحب اللون الاسود مالنا حق نصفها بالحزينة والمعقده و و و
بنت تحب المشاوير
نروح نقول عنها هايته بالشوارع
ليش تمشي على جلودنا هي حره
اللي يحب يشتري كثير ويصرف مسرف
واللي يحب ياخذ قد حاجته بخيل
اللي يسولف ثرثار
واللي صامت صنم
احنا مالنا تقبلوا الناس زي ماهم
احنا مختلفين و عادتنا مختلفه
و اذواقنا مختلفه
اذا ما نسبب الاذى لبعض ليش حاطين دوبنا ودوب الاخرين
؟!