بسم الله الرحمن الرحيم
السلام عليكم ورحمة الله وبركاته
الى جميع الأخوات في عالمي الصغير في شكله والكبير في مضموونه
يشهد الله اني احبكن في الله
على الرغم اني مااعرف ولا وحده فيكم غير زميلاتي الي مسجلات هناا
وما أظن اننا سجلنا اشتراكنا في هالمنتدى من شان نجرح في بعض او نهين بعض
كلنا سجلنا من شان نفيد ونستفيد ونكون محبه وصداقه لوجه الله
لكن الي لاحظته من بعض الخوات هداهن الله
من تجي عضوه مقهوره او متعرضه لمشكله مهما كانت استلموها
الي تجرح فيها وتحط اللوم عليها بطرق ترفع الضغط تخلي صاحبة الموضوع وده تحذف موضوعه
هنا انا ما أقول حطو الحق معها لو هي غلطانه لااا
بس فيه اسلوب اولها انك تدعين ان الله يهديهم ويسخرهم لبعضهم
وتهدين من حزنه انه كل الرجال كذا وبعده بكل ادب وذوق تبين لها وين هي غلطانه
مو تجرحينها وتقولين لها انتي الغلطانه ليش تسوين كذا
انتي الحق عليك وزوجك وش دخله ولا حماتك ولا امك وانتي مكبره لاموضوع
هي ماكتبت الموضوع الا لسببين يا أناها تبي المشوره هي وش تسوي
او انها مقهوره ووده تكلم احد ومالقت احد غيركم تثق فيه
يعني المفروض ناقف معها ونبين ماعليها وما لها
هي كتبت الموضوع تبي حل ماتبي تجريح الي فيهاا كاافيهاا مو نااقصه
عطوها حلول وارشدوها با الأدب
كما قال الله عن سيدنا وحبيبنا محمد ( لو كنت فظاَ غليظ القلب لنفرو منك )
يجب ان نكون لينين في تعاملنا مع غيرنا وطريقة سرد الحلول
وتجي عضوه تكتب قصه صارت لهاا
وتحي عضوه ترد عليها تقول هالسالفه مو دااخله رااسي احس فيها شي مو طبيعي او ملفقه
والي تقول شكلك كاتبه محترفه في استدراج مشاعر الغير
ومن هنا انا اقول ( كلن يرا الناس بعين طبعه )
يعني اذا انتي كذاابه ومؤلفه مو شرط كل الناس مثلك
واذا انتي حياتك الزوجيه مستقره والحمدلله
هذا مايعني كل الموجود زي حياتك
لماذا مانرتقي في اسلوبنا مع غيرنا
لماذا نجرح في بعضنا !! هل هذا الهدف الي سجلتي في هذا المنتدى من شاانه؟؟
متى يجي اليوم اللي نحب لأنفسنا مانحبه لغيرناا
لو كل عضوه حطت نفسها في مكان الكاتبه لاتغيرت المواااازين
انا هنا ما أعمم بالعكس فيه عضوات ردهم صراحه بلسم على كاتبة الموضوع والي تقرا الموضوع
ماابي اطول الموضوع لاني اظن الفكره وصلت
ختاماً
الى كل عضوه واخت اذا احدى خواتنا كتبت مشكلتها او معاناتها او قصتها
عندي كلام يخدم موضوعها او نصحيه في حدود الادب قولهاا
واذا بتفلسفين رجــاءَ احتفظي برايك لنفسك لانه الزمن دوار اليوم لك وبكرا عليك
وصاحبة الموضوع مو ناقصه فيها من الهموم والقهر مايكفيهااا
Rmoooz @rmoooz
عضوة نشيطة
يلزم عليك تسجيل الدخول أولًا لكتابة تعليق.
Rmoooz
•
والله اذا فيه غيري كتب نفس موضوعي ولا فــــــــــااد
هذا يعني اني افضل اني اكون قارئه احسن من اني انزل اي موضوع
قوتشي ياحيي كأني بغيت اشوتك على ردك بس في الاخير هونت <<< رحووومه >> ايه هين
هذا يعني اني افضل اني اكون قارئه احسن من اني انزل اي موضوع
قوتشي ياحيي كأني بغيت اشوتك على ردك بس في الاخير هونت <<< رحووومه >> ايه هين
SONDS.
•
والله انك صادقه اختي احيانا البنات يقلبن موضوع للهواش ويردا على بعض بطريقه غير لاقه وجزاكي الله كل خير على الفته الصريحه
شوفي اللي براسه جنيه ومليانه عقد اغسلي يدك منها لو تنزلين باليوم الف مررررره من هالموضوع وكل بيرد على حسب تربيته وثقافته
يوم شفت رد قوتشي مت من الضحك قلت وراده اول وحده ههههههههههه
ليه رحمتي قوتشي ههههههههههه<<<< امزح معكم كلكم
يوم شفت رد قوتشي مت من الضحك قلت وراده اول وحده ههههههههههه
ليه رحمتي قوتشي ههههههههههه<<<< امزح معكم كلكم
الصفحة الأخيرة
امزح امزح خخخخخخخخخخخخخخخ الله يقويك بموضوعك بس ماحولك احد كثير بنات اكتبو مثل كذا مواضيع والبنات ماحركو ساكن مثل ماهم بردهم بس فالاخير جزاكي الله خير صدق في مواضيع تحزن يقهرون البنات برد عليه ويخربون الموضوع ولا يتقفل ياكثر المواضيع اللي تقفلت لي بسبت البنات