على كثر الاحزان والدموع وعلى كثر مافقدت من غالين
لكن يظل اصعب موقف في حياتي يوم الدكتور يعلمني بمرض ابني الحمدلله على كل حال والله الدنيا دارت فيني وحسيت بغصه وحرقه ومراره الى الآن بحلقي اذكر يوم طلعنا للمستشفى وانا اناظر الشوراع واول مره اعرف كلمة اسودت الدنيا بعيوني وقبل شهرين اصيب زوجي بنفس المرض وانا باديه فيني نفس الاعراض مع ان مافينا لاوراثه ولاهو مرض معدي
اللهم لك الحمد والشكر حتى ترضى ولك الحمد اذا رضيت ولك الحمد بعد الرضى
اللهم رب الناس اذهب الباس اللهم لاشفاء الا شفائك شفاء لا يغادره سقم يارب العالمين
يارب افرج كربتي. وهون حزني وادخل الفرح الى قلبي والله نسيت الفرحه ( من قلب ) والله كل شي في الدنيا ما صار له طعم

اه ه ه يابنات الله يسامحكم بكيتوني


بكيت يوم رحت لام زوجي ولقيتها عايشه على الاجهزه


بكيت يوم قالي الدكتور عندها فشل في التنفس


وبكيت يوم رافقت معها وبدات اطرافها تبرد ويتغير لونها


وبكيت على زوجي وحاله

وبكيت على امور دايم اردد خليها ف القلب تجرح ولا تطلع لبرا وتفضح

في كل ليله اقوم واصلي واطلب ربي ان يريحني من الدنيا اللي مافيها غير العناء


الله يفرج هم كل مهموم

يوم تضحين وغيرك ما يستحق
اذا تفكرين كيف تسعدين الغير وغيرك يفكر كيف يفشلك في مجلس

لما ضاع اخوي الصغير بالحرم وانقطع الامل الا في الله اننا نلاقيه كنت ابكي مثل المجنونة قدااااااااااااااام الناس والبشر كلهم يطالعون وفعلا تحسين كل بهمه ما احد وقف الا رجال مطوع سعودي هو وزوجته الله يفرج عليه ودلنا على مكان اخوي كانت اصعب اصعب لحظات يمر بها انسان الله لا يوريها بشر اقسم بالله شيء فظيع ما اوصفه لكم وكل الي كان هامني امي وابوي كيف بيعيشون بعده وكيف نروح البيت واحنا ما ندري وين ارضه عايش مايت حي متعذب مضطهد مقطع مذلول بيحفظ دينه بيلاقونه عيال الحرام والمشكله ان الولد ابيضاني وحلو كان رابع ابتدائي ذاك الوقت وانحطينا بموقف الله لا يوريه بشر

الله لا يوريه بشر تهون تعرفين انه مات خلاص بحفظ الرحمن ان شاء الله بس ما تدرين عنه شيء يقطع القلب ويخليك مجنونة

اخر مره بكيت من قلب و صابني زي الهيستيريا يوم كان اخوي بالسجن بسبب اصدقاء السوء وعمره 16 وكانت امي رايحه زياره له وارسل معاها رساله وقال هذي عطيها خواتي يقرونها ويوم فتحتها لقيت مكتوب فيها هذا الكلام (اذا طال الزمان فلم تروني فهذا خط يدي فتذكروني )

(يارب تجفظ امي وابوي وخواتي تكفى ياابوي لاتنساني لاتنسوني يااهلي تكفووووووووون ) ومن ضمن الرسايل يقول ارسلو لي ملابس وخرج من السجن بعد ثلاثة شهور اسأل الله العلي العظيم ان يفك اسرى المأسورين