يابنت الحلال قلبتي المواجع
والله قبل شوي الساعه 11
فكرت في حال اطفالي لو فارقتهم كيف بيعيشون حياتهم
بدون امهم
الله يسامحك
دموعي نزلت
يمكن شفت اطفال او فكرت في اطفال لاعند امهم ولاعند ابوهم مع ان الاثنين كل واحد عايش حياته

انا اكثر مره بكيت بوم ودعت اهلي وانا مسافره امريكا مع زوجي بعثه بكييييييييييييييييييت من قلب او مره افارق اهلي وأول مره بسكن برا الرياض الي ماتحمل شهر ابعد عنها صااارت شهور بكيت خووووف من بكرا وش مخبي ويومها كل البيت بكا من بكاي حتى باااابا ربي يحفظه ..

اخر مره بكيت بحرقه لما قريت لختي موضوع ان زوجها اخذ عيالها منها وانا مادريت لاني كنت زعلانه منها بكيت بحرقه من جد حتى زوجي كان بيبكي معاي لان اختي انحرمت من عيالها ولاني ماوقفت معاها بسبب زعل تافه بس لحمدلله رجعهم لها وتعلمت درس مانساه ان اهلي وان جارو علي كرامو

كل يوم ابكي على زوجي توفى برمضان هذه السنه في المدينه وهو مخلص العمره توفى قدام عيوني صدمته سياره وهو يمشي الله يرحمه ويغفر له

ثاني العيد بعد الفجر بالتحديد افكر بعيالي اذا ولدت ان شاء الله وصار لي ش وين بيكون مصيرهم

ورحت انام عند بنتي وطول وقتي ابكي اعوذ بالله للساعه9 وصحو عيالي ياربي

ويوم جاء زوجي اقول له عن تفكيري اقول حتى لو صار لي شي لاتفكر تحطهم الا عند خالتهم

قال وش سالفتس وش هالتفاكير قلت ابد الشياطين طول رمضان محبوسه وجاء العيد وانفكت وانا اللي تنكدت