متى نسوي تنظيف للبشره قبل الزواج؟؟//قديم

هلا اختي بمبه
اول شي مبروك مقدما وبالرفاء والبنين
ثانيا كان المفروض اتسوين التنظيف العميق للبشره قبل شهر عشان لو طلعت حبوب او حسست بشرتج فيه وقت اتعالجينه
المهم انا انصحج اذا بتسوينه عند ناس موثوق فيهم سواء دكتور او مركز تجميل
وخليهم يحطولج قناع مطهر في الاخير خوفا على البشره خاصه اذا كانت حساسه
لاني اعرف وايد بنات سووه قبل الزواج بفتره بسيطه وحبب ويهم
انا ما اريد اخوفج بس اتكلي على الله وسويه في مكان مضمون
وبعدين انتي تبين تنظيف ولا تقشير
التقشير يصير على مراحل بس التنظيف مره وحده وعاد انتي لازم تنظفين بشرتج بشكل يومي بالمستحضرات وكل اسبوع تسوين تقشير بالسكراب وتحطين ماسك يناسب نوع بشرتج
بس لا ترهقينها بالتنظيفات الزايده تراها بترد بشكل عكسي
والله يوفقج وتطلع بشرتج حلوه ان شاء الله والكل ينهبل فيج وخاصه زوجج وامه بعد:27:
بس انتي ادعيلي بالزوج الصالح
انتم السابقون ونحن اللاحقون:17:

الله يعطيك العافيه رديتي على موضوعي بسرعه
انا محافظه على نظافه بشرتي يوميا واحط اقنعه كل اسبوع اقنعه طبيعيه والحمدالله وجهي صافي مافيه شي غير النقط السوداء وابغى اسوي تنظيف موتقشير بس خفت اذا يطلع حبوب اشوف بنات يسوونه وعادي يعني بنت تسويه الجمعه وتداوم السبت وبشرتها حلوه بس خايفه مدري مااسوي احسن

لا عادي أعمليه قبل زواجك بأسبوع

في جده مركز باتشي لوتشي اظن اسمه كذا مدري اذا كان له فرع في الرياض او لا

صديقتي راحت عملت تنظيف لبشرتها عندهم قبل زواجها بيومين بس خلى بشرتها ناشفه عشان كذا اعمليه قبل زواجك بأسبوع وحطي لوجهك اقنعه طبيعيه عشان تترطب

وصديقتي زيك كانت تشتكي من النقط السودا اللي بالانف وشالوها لها واعطوها كريمات وغسول تستخدمها على طول عشان ما ترجع لها مره ثانيه

والله يوفقك

:27:

هلا عيوني بمبه مفترسه .. توني كاتبتلك رد فى قسم ركن تجهيز

العرائس موضوع (علموني وش أسوي لما أرجع من صالة

الأفراح).. متمنيتلك بدايه سعيدة ان شاء الله..

عيوني بالنسبه للبشرة انا انصحك انك تروحين مركز لللتنظيف البشرة وعمل حمامات بخار ..

وبعد اعملي الدلكه السودانيه تراا والله تشيل الروؤس السوداء اللى فى الانف والوجه عامه وتخلي بشرتك تلق لق انا اختي فيها روؤس سوداء فى الانف ولمن تعمل الدلكه ترووح .... ولو كنت فى جدة كنت اعطيتك رقم وحدة سودانيه تسوي دلكه تماام واحنا نتعامل معها.....

وابدي من الحين ترا مابقى شي على زوااجك وحطي قناعات للوجهك وبالاخص قناع العسل (كل يوم حطيه من الحين
اللين يوم زوااجك وخليه بوجهك على الاقل نصف ساعه او ساعه ان قدرت ) عشان ليله زواجك يكون وجهك مرة مشرق ومنور ويلمع ...


واخيرا اتمنى انى افتدك واتمنى انك تتدعيلي بالشفاء والزوج الصالح اللى يسعدني ويستر علي ....


والف الف الف مبرووك اختي ..


اختك....

دلوعه موووت


:26: :26: :26: :24: :26: :24: :24:

واللة اختي بمبة ما عندي فكرة عن اللي تسئيلين عنة بس حبيت ابارك لج وان شاء اللة حياة سعيدة وبالرفا والبنين :26: :26: