متى نعترف بمكانتا ونساند بعضنا ...؟؟

رعشــ الأموات ــة

تعالي نجلس أنا وياك عالرصيف
واسمعي بواري السيارات المزعج

وإذا ودك نمشي عالبحر
ترى المشي صحة للبدن
نشرب شاهي والا قهوة تركي

،

وسعي صدرك

أنا اليوم موسعة صدري عالآخر
من كثر الضيقة اللي فيني !!

قبل أربع سنين طلعت لي سيارة
وكنت فرحانة فرح بها ما الله به عليم

وتوقعت إن خلاص كل مشاكلي إنحلت

لإننا في بلدتنا الحبيبة طال عمرك
عشان توصين السواق بريال عيش تدفعين 10 ريال حق المشوار

وكانت معاناتنا ليس لها معاناة
تــــرزقوا مننا السواقين واغتنوا وتزوجوا وفتحوا بيوت
كله من 10 ريال المشوار

وإحنا ما زلنا ندفع وندفع
والمشكلة الكبرى لما يجيك طماع
ويأخذ على النفرة الواحدة 10 ريال

يعني يودي 6 حريم مشوار
يأخذ من كل واحدة 10 ريال
ليه ؟
عشان انت مو بيت واحد
طيب إحنا رايحين مكان واحد
لا يفرق عندهم طال عمرك
،

لما طلعت السيارة قالت جدتي الله يرحمها
إفقعي عليها بيضتين
ورشيها تراب
قلت لها يا جدة أستغفر الله ، هذي تخاريف .

آه يا رعشة الأموات أه
يا ليتني صقــعـــت أبوها بطبق بيض
مو ببيضتين

يا تناحلت فيها مناحلة هالسيارة
كل ما أجيب سواق
على قولتك أتعب وأعلمه الطريق والأماكن
ويخرب لي السيارة ويبهذلها
وأجيب ثاني وثالث
ما خليت جنسية ما جبتها
كلهم نفس الطريقة ونفس الغـُلب ونفس الخساير ولا في فايدة

وراتب وإيجار سيارة ومصروف بنزين وزيت وتصليحات
وآخرتها خلاااااااااااااااااااااااااااااص

بعتها

بعتها

بعد ما كملت تخيلي أقساطها بعتها
خلاص ما عاد قدرت أتحمل
سنتين ونص وأنا أتعب وأقول لك كيف متاعبي فيها

أبد كأني رجال
يا ما رحت للورش ، يا ما لفيت عند قطع الغيار
لإني ما كنت أثق في السواقين
وأستغفر الله أحسهم يتعمدون يطلعون أي عطل
بس عشان أدفع لهم

آخر شيء .. بعد ما خلصت من نصب السواقين
دخلت في نصب الورش :icon33:

،

هالحين الحمدلله روقت راسي

نفضت يدي من هذا الهم

ولا أفكر أجيب سواق ولا أجيب سيارة

معليش أتعامل مع ليموزين أو سواق موثوق به

وهو يتحمل مسئوليته ومسئولية السيارة
ولا أجيب الهم لنفسي اللي كنت فيه بصراحة

،

وتأكدي لو إنهم بيسمحون بالقيادة
أنا أول واحدة حأسوق
لو على ونيت غمارة واحدة (:
لكن متى الله أعلم ؟


روحي تكفين الموضوع اللي كاتبينه عن البنات اللي في كاشيرات هايبر بندة
احتجاج واعتراض وشيء ما بعده
ويقولون ليه ما يوظفون الشباب ؟

الشباب ..

هم عيالنا قايمين بمسئوليتنا عشان يقومون بأنفسهم

ما في واحد اللي هالحين يتحمل مسئولية البيت

يا ويلك لو قلتِ له وديني مشوار وهو عنده مباراة

يا ويلك لو قلتِ له جيب من السوق وهو عنده طلعة مع الشباب

،

رعشة الأموات :
وش ذا الإسم كمان انتِ الله يهديك
خليك رعشة هدب ، والا رعشة غلا
وادعي للأموات بالمغفرة والرحمة

عندي لك حل بيساعدك إن شاء الله

تدرين واحدة وش سوت !!

إستقدمت سواق
وأخذت له سيارة مستعملة بس نظيفة

قالت له
هذي السيارة انت تطلع منها راتبك وحق البنزين وحق الزيت والتصليحات
كله أنا ما لي دخل فيه
تودي مشاوير مدارس ، مشاوير ناس ، انت حر
أنا لي بس يوم أطلبك والا أحتاج شيء تتفرغ لي وتوديني ببلاش

سويها وريحي دماغك
خليه هو اللي يكرف
انتِ كذا كذا حتى لو وداك حيفضل فاضي بحكم إرتباطك بالعمل والمدرسة
صدقيني تريحين دماغك من الوجع هذا كله


وإن شاء الله إذا سمحوا بالسواقة نتقابل أنا وياك عند الكورنيش
ونفحط ونفحط إلين نقول آمين
انتصاراً وكيداً للسواقين (:

:26:عزيزتي : شيخة أحمد
شكرا على احساسك ومشاركتك معي لك الف شكرا ...
والذين شاهدوا ولم يعلقوا شكرا بس حابه اقول ليهم اللى مايحس بالنار الا وطيها,,,,؟