متى نغير هالافكار ليه لازم نتزوج من نفس القبيله

السلام عليكم ورحمة الله وبركاته
كيفكم بنات وشخباركم
والله ماتتخيلون قد ايش اعزكم واحبكم
وقفتو معاي كثير وتسليت معكم اكثر
خصوصا ان اختي الي بعدي على طول عمرها 12 يعني فرق بيننا لان عمري 26
المهم ندخل للموضوع
الي هو ليه اغلب الناس في مجتمعنا الخليجي بصفه عامه والسعودي بصفه خاصه
مايزوجون الى من نفس القبيله او من نفس الجماعه
يعني مثلي توني كاتبه رد بموضوع الاخت لوست يمكن الي هو الي فوق 26 ولسى ماتزوجو
بس مدري وين راح ماحصلته لايكون كتبته بموضوع طبخ او بشره الله يستر
ترى عقلي مو معاي الايام هاذي
نرجع لموضوعنا الي خلاني افتح هالموضوع انه جتنا وحده سبيعيه مع جارتها العتيبيه يصيرون امهات اصحاب ا خوي الي بالثانوي
وبعد ماراحوا بحوالي ساعتين كلمت امي تخطبني لولدها وعمره 32 ومطلق من اكثر من سنتين
ويشتغل مهندس قالت امي نرد بكره واليوم الثاني كلمت ام الولد وقالت لها امي الزواج قسمه ونصيب والله يرزقه
طبعا صار الموضوع هاذا كله من غير مايسالوني
المشكله ان صديقتي تبيني لاخوها وهو تقريبا نفس المواصفات بس الفرق ان اخوها شافني مره بالغلط
لكن ماخطب رسمي تقولي ان اخوها بيجي يخطب وانا اقولها لا لان اهلي ماراح يرضون
وهو بيجي اصلا من ورى اهله لان اهله مايبون من برى القبيله يقول بجي اول مره ولما يشوفوني مصمم بيجون مره ثانيه
انا قلت لها لا واني انا الي مو راضيه مو اهلي
هي قالت له في البدايه زعل والحين خلاص
نسيت اقول انه هو كمان عتيبي وانا رفضته لاني عارفه انه ماراح يرضون اهلي
على فكره انا اموت بالعتبان من يوم كنت بالثانوي مدري ليه
وصديقاتي اغلبهم عتبان
الحين بنات انتم تشوفون ان هاذي مشكله ولا عادي
ومين الي تعاني مع اهلها او قبيلتها من نفس المشكله الي هي العادات والتقاليد
يلله بنات شاركوني وكل وحده تقول رايها بالموضوع