متى نفكر في انجاب طفل اخر (ارجو من الامهات الدخوووووووول )

أول ماتتعود تروح الحمام وتترك الببرونه يعني على الاقل يكون كملت 3 سنين وبعد ماتكمل تحملين عشان يوم تولدين يصير عمرها 4 سنين الا كم شهر وبكذا تحصل على اهتمام منك وماتحرمينها حبك من بدري وتقدرين تتفاهمين معاها عشان تحب اخوها الي جاي وما تغار منه ويمكن تساعدك كمان وهذا رايي لاني مجربه الاطفال اذا جبتيهم ورا بعض متعبين بس الحين بعد الاثنين الي عندي مقرره استني الى ان يصبح عمر الصغير على الاقل 4 سنين ويمكن اكثر ماني مستعجله الله يهديهم ويصلحهم يارب
وان شاء الله اكون افدتك

نفس الشي ولدي عمره سنتين واربعه اشهروانا وزوجي متفقين اني احمل باذن الله بعد ما يكمل ثلاث سنوات واربعه اشهر علشان يكون لما اولد يكون كمل اربع 00ونصيحه مني لاتفكرين بالحمل اللحين تراه دوخة راس وغير ذالك زوجك من كلامك مايتحمل الازعاج خليكم كذا رايقين احسن000

بنتك لسه صغيره خليها تأخذ حقها منك من حنان و اهتمام وتربيه
وكمان نفسك لها حق انك تشمي نفسك وتهتمي بعمرك وزوجك وبيتك
العبره مو بكثرة البزوره العبره هل انتي قادره على الحمل الثاني من حمل وولاده وتربيه وعنايه
فكري مضبوط ولا تستعجلي الأطفال مسؤليه والحريم متفاوتين بقدرة التحمل في الي ماشاء الله عليها عندها قدرة تحمل وصبر عليهم وفي الي ماتقدر عليهم اذا كانو فوق بعض
فكري بعقلك مو بقلبك مافي أحد بيتعب الا انتي..
:)

شوفي حبيبتي انا عندي ثلاث بنات الاولى كان عمرها 4 شهور لما حملت تصوري؟؟؟؟؟ بس بعدين صلرت هي واختها عسل علاقه اكثر من رائعه خصوصا لمل كبرو كل الي يشوفهم يسال توام؟ بعدهم ريحت 3 سنوات وربي رزقني باختهم الي طارو من الفرحه فيها والله اني لما اشوفهم يلعبون احس بالفرح والفخر بعد وزوجي كان ولازال يتعب بس يحبهم وصديقتي عندها بس بنت عمرها 3 سنوات وياعمري تكسر الخاطر لا شافت بناتي يسوون حزب عليها وهي وحدانيه يصير صياحها مالي الشارع ال رحنا عنهم والله محزنتني لدرجه تقول لامها بروح اعيش عندهم ويصيرو اخواتي اقولك جيبي الثاني وارتاحي بعدها 4 سنوات حتى مايصير الفرق بالعمر كبير وبعدها بتختلف هواياتهم وميولهم حتى بيبتعدون عن بعض وهذا واقع شفته باولاد اختي والغيره بتزيدلا كبر صدقيني لان لما ولدت الثانيه ما كانت الاولى تعرف هالكائن الجديد ولا اهتمت به الين ما كبرو مع بعض ويازينهم لا اتفقو وصارو عزوه لبعض تمنياتي لك بالتوفيق على فكره انا افكر احمل بالرابع عشان الصغيره ماتكون لوحدها لان الكبار ما يحبو الصغار يلعبو معاهم وهي عمرها سنه ةنص دعواتكم ان الله يرزقني الولد الصالح

خوفتوني الصراحه
أنا ولدي باقي له شهر ويكمل سنه
وتركت الحبوب ذبحتني عصبيه وكأبه
زوجي مايبي أحمل بس انا مطنشه
بس أنا أقول إثنين أسهل في التربية من الواحد لأن أشوف ولدي في بيتي بس يصيح وطول الوقت وراي
في بيت اهلي مره مبسوط مع اخواني الصغار

وش رايكم