متى يبدا الطفل في الهدوء؟؟؟

شي طبيعي ....تبدا تهدا تقريبا من شهرين ثلاث اتوقع بس على حسب حااااالة الطفل..خاصه اذا فيه مغوص امساك او شي ...يعني على حسب..
بس من خمس وست شهور خلاااص اتوقع ان شاءالله


الله يسهلك ولنا يارب

هو طبيعي هالشي


بس ممكن تسوين لها هالطريقه
اذا جت نومتها الحقيقيه يعني النومه الطويله لها مو اللي تقطيع فيه
جيبي صحن معدني وصبي فيه زيت زيتون اصلي كميه تكفي جسمها كله
وجيبي حبه البركه مقدار نص ملعقه حلى وزي المقياس حب كمون وحطيهم بالنجر الحبوب ودقيهم وكبيهم في الزيت وحطي رشه فلفل اسود ذرررره بسيطه وذرره زنجبيل بودره
ودفيه على النار مو يطبخ لا بس يصير الديت دافي
اشخلي الزيت واستخدميه لجسمها كله
ادخلي بغرفه مافيها شبابيك مفتوحه ولا مكيف ولا مروحه ولا باي مفتوح وشيلي ثيابها كلهم وادهنيها بكميه كبيره من الزيت كلها من تحت اذانها لحد اطراف اصابعها وحطي بالسره زيت
ولبسيها ملابس قطنيه ثقيله اكمام طويله وسروال طويل وشراب ولفيها بالمهاد وغطيها بالبطانيه وخليها تنام بغرفتها المكيف لايكون بارد خلي براده ربيعي خفيييييف مره
ولبسيها طاقيه
وخليها تنام
لاخظيها اذا طولت في نومتها بعد هاللي سويتيه وتغير بنتك بعد اللي سويتيه
معناته انه برد داخلها بسبب تعرضها للهواء يمكن ملبستها خفيف عند مكيف او مغيره لها بمكان فيه هواء وصار لها كذا
الطريقه ذي تسوى ثلاث ايام متتاليه ورى بعض


وبعد شربيها منقوع اليانسون بين رضعات الحليب
لانه مغص البطن مايريها الا اليانسون ويهدي اعصابها معروف اليانسون للكبار والاطفال طارد للغازات والسموم


حطي مقدار نص ملعقه حلى من اليانسون وزيها كمون بمشخاله واغسليها تحت الحنفيه حركيها باصبعك وقلبيها عشان ينزل الغبره
بعدها حطيها بكوب كبير وحطي معاه باطراف اصابعك الثلاث حبة البركه وكم حبة سكر نبات وصبي عليه مويه مغليه وغطي الكوب وبعد عشر دقايق صفيه وشربيه البنت دافي مو بارد لانه راح يزكمها لازم الحليب واليانسون يكونون دافيين عشان ماينسد انفها وتزكم


بين رضعات الحليب رضعة يانسون
تفرقين بين رضعات الحليب برضعة بانسون كذا مايسبب تلبك معده من حليب ورى حليب ورى حليب
لانه يسبب غازات وتلبك معده ومغص
واليانسون بين رضعات الحليب يطرد الغازات ويهدي المغص