السلام عليكم ورحمه الله وبركاته.
اختي العزيزه.. هاي مشكلتي انا بعد.. بشرتي احسها مش 100% تمام..
خاطري افتك من البقع والاثار الي تظهر من فتره لفتره,, كل ما تختفي بقعه تظهر حبه ثانيه تشوه الويه.. وحالياً احاول اهتم ف بشرتي اكثر من اي وقت.

سمعت عن ماسك النشا وماي الورد وكل يوم استخدمه واحطه لمده ساعه او ساعتين.. واحط بعد قناع زيت الزيتون وزيت حبة السوده. وافرك يوميا مكعب ثلج ماء ورد ع ويهي. وقمت اشرب ماي بكثره يعني قد ما اقدر لانه الماي يطرد السموم وينقي البشره. واحس الحمدالله انه شويه في تحسن.. وان شاء الله بستمر واتمنى اشوف نتايج ايجابيه.

جربي اختي تسوين هاي الخلطات وان شاء الله تفيدج وتفيدني

والسموحه منج اختي

ادخلي على موضوعي والله راح يفيدك 100% وماراح تحتاجي انك تحطين كريم اساس وبودره صفاء واشراق وبياض وخدود ورديه وش تبغي اكثر من كذا وفوق هذا طبيعي جمالك بكون ..

اختي جهراويه

نفس مشكلتييييييييي بالضبط

*********والله اني دايما احط كريم وبودره اذا زارونا حريم والا رحت مكان حتى لو جمعيه احس اني استحي اطلع جدام الناس بدون كريم عشان يخفي عيوبي

صرت ماستغنى عن كريم الاساس أو البودره *********

اتمنى القى حل لهاا اذا لقيتي خبريني


امانه عليج :(

استخدمي كورس علاج من ماركة جيرلان يهبل هو يشيل الشوائب ويصفي البشرة وايد زين
روحي فافافووم او جمعية الروضة<<<<عشان جمعيتنا احم احم
او دبنهامز وقولي حق الخبيرة تعطيج ست كامل
ترى جيرلان احسن ماركة واحسن كريمات تهبل

كلنا نفس مأساتج
أنا مابي البياض ولا يهمني بس أبي بشرة صحية بشرتي تعبانه حدها من غير كريم يصير شكلي كأني مريضة ... لا تعبين نفسج بلخطات ولا غيرها .. لان الخلطات تأثيرها مؤقت ويبيلها مداومة..يبيلجج تسوين شغلتين بس ...

أول شي ... اهتمي بأكلج .. أهم شي الفيتامينات اهي اللي تعدل البشرة .. أنا الحين ماشية على فيتامينات وبشرتي أحسن من أول بمرااااااحل ..

الخطوة الثانية والأهم انج تروحين لدكتور جلدية ..
يمدحون موسى سلامة جبر ..و أبو حمرا .. و المشاري... او روحي للرشيد اللي بالسالمية .. والله ان بنات بشراتهم كانت عداااام صارو شحلاتهم البشرة تلمع من بعيد من هلدكاترة وانتي بنفسج ليرحتي تفتحين ملف عندهم بتشوفين شلون الزحمة عليهم من هلبنات..بس شنو نهيييييييبه يعني يبيلهم ميزانية .. غالين ...أنا ناطرة الميزانية تتعدل باذن الله وبعدها بفتح لي ملف عن واحد من اللي ذكرتهم لج ..ودي أقشر بشرتي عندهم بالمره وأفتك ...