متى يستخدم الرشاد في النفاس +ابغى نظأم غذأئي سهل ومايسمن

وينكم ياحلوين ؟؟؟؟؟؟

رفع بانتظأركم 

شوفي بكتب لك نظامنا و نظام امي جدا سهل
و بدون خرابيط ولهومات ..
اول شي اللهوم و الاشياء المطحونة مع بعض
لها تأثير جدا سيئ على الكلى و المسالك والكبد ..
بس بقولك نظامي و مية بالمية رح يفيدك باذن الله ..
اول شي الغرز اذا كنتي طبيعي ان شاءالله لازم تاكلين
حبوبك المضاد بتصرفها لك الدكتورة تاكلينها كلها
حقت اربع او خمس ايام و كريم ميبو للغرز او اي كريم
من الدكتورة و مطهر البيتادين تستخدمينه مخفف بالموية
و تغمسين فيه شاش نظيف من الصيدلية و تربتين تربيت
خفيف على الغرز و المنطقة كللللها حتى بين الفخوذ
و ثواني و تغسلينه بمويه خفيف و تحطين الكريم مرتين
باليوم و ترا الغرز تحتاج تكون ناشفة عشان تلتئم بسرعة
و نجي للاكل الاكل لازم تاكلين اكل صحي تاكلين لحم
و الخبز يكون بر تجنبي الرز قد ماتقدرين كمان المكرونة
و الخبز الابيض و المعجنات اذا ماتبغين الوزن الزايد
اما سالفة انك تحسين بجوع هذا اشين شي و اشين
من انك تجلسين بدون سروال من تحت و شراب ف انتبهي
من الجوع .. خوذي سناك بين الوجبات زي تمر معجون بزيت
زيتون شوي و حبة سودا و شمر هذي خليها جنبك
كل ماجعتي تاكلين وحطي عندك علب حليب السعودية
تشربينه معها .. كمان الشابورة البر حلوة اذا كنتي تحوعين
و توست بر مع جبنة مثلا .. طبعا الفطور بيضة مسلوقة
مع توست بر وحليب دافي تحطين فيه ملعقة حلا حلبة
مطحونة تحركينها واذا ركد الحليب تشربينه كويسه لعظامك
و لرحمك .. الضحى تاكلين خبز بر قرص واحد مع
مطبوخة اذا تعرفينها تلقينها بالعطار مجموعة اعشاب
تجيك مو مطحونة زي بابونج ميرامية قشر يانسون كمون
كلها مخلوطة تاخذين ملعقتين وتحطينها بترمس وتصبين
موية مغلي عليها و تحلينها .. طبعا الغدا مرق لحم مع
خضار مع خبزة بر و ضروررري تشربين المرق و تاكلين
اللحم و تاكلين الخضار .. تاخذين بعدها بساعتين فواكة
و بعدها تاكلين من التمرة حقتك مع قشر قهوة
مطحون تخلطين معه كمون و يانسون و زنجبيل
تاخذين ملعقه او ملعقتين الي يريحك و تصبين عليها
موية مغليه كمان اذا تبينها مرة او حالية براحتك
و العشاء الي تبين تبغين من برا او جريش او مرقوق
طبعا اذا كان من برا تتجنبين الغازيات و اذا ماتبين السمنة
تجنبي الفاست فود ..
بالعشرين يوم الاخيرة تزودين على تمرتك رشاد ..
و تسوين لك خلطة اذا تبغين مقاديرها بالضبط باخذها لك
من امي بس هي عبارة عن رشاد و حبة سودا مو مطحونة
و عن فلفل اسود و قرنفل وكمون مطحونات تحطينها
بعلبة و بالصباح على الريق تبدين فيها من اليوم العشرين
تسوين لك خبز صاج خبزة صغيرة تاخذين ملعقه من الخلطة
و تعجنينها مع عجينه و تسوينها خبزة صاج صغيرة
و تاكلينها فطور مع حليب داااافي هذي الخلطة تنشف الرحم
و تشده و تنظفك و تنقض الحلبة الي اكلتيها
طبعا الحلبة احنا نستعملها مع الحليب حق عشر ايام
او اسبوعين و بس بعضهم يخلونها عشرين يوم ..
الكبو مانسويه مايصلح ابد ولا انصحك فيه .. تحاميل الاعشاب مانسويها ابد .. المغطس والتنقيع ابدا مانستخدمه
بس اذا صار لنا ثلاثين يوم نستخدم غسول قشر رمان
او مره و ملح خشن او ارطى ..
التحاميل نستخدم باليوم الثلاثين تحاميل البوثيل
من الصيدلية .. طبعا فيتامينات اكمل عليها و الحديد
اكمل عليها الحبوب عشان اتقوى لما بعد النفاس
امممم ايش كمان ايييييوه الامساك اشين شي بالحياة
اول ماتطلعين من الولادة خلي زوجك يجيب لك ملين اسمه
دوفالاك و استخدميه حسب تعليمات الصيدلي
و لاتطولين عن دورة المياة انتبهي اذا طولتي خذي منه
و اخر شي بعطيك خلطة زيت الزيتون والخواجوا
حطي ع النار زيت زيتون و عودين خواجوا اذا قلب احمر
طفيه واذا برد حطي كسرة مره خوذيها معك للمستشفى
بعلبة صغيرة واول ماتطلعين من الولادة عطري شعرك بدهن
عود معتق و شميه حطيه على انفك و على انف النونو
و كمان حطي شوي من خلطة زيت الزيتون على انفك وانف النونو بعد كم ساعة و اذا حسيتي الغرز المتك حطي شوي بشاش و حطي الشاش بالاولويز و البسيه عشان عن الشمم
و تقومين بالسلامة يارب و ادعي لي

اااب

و صحيح حبوب المضاد عشان مايجي الغرز التهاب ..
و السروال اذا منطقتكم حر ماله داعي الا اذا تحممتي
يكفيك شراب عادي واي سؤال ارسلي لي و ان شاءالله
مانسيت شي ..