السلام عليكم ورحمة الله وبركاته
كيفكم ياحوائيات ... الله يرزقنا و اياكم من حيث لا نحتسب
بصراحه مادفعني لكتابة هذا الموضوع موقف شاهدته بأم عيني
في أحد البنوك منذ فترة من الزمن ..
الا وهو ((( النظام عطلان )))
ذهبت في يوم ماء للبنك لاستبدال بطاقة الصراف..
وصادفت مجموعه من الاخوات
قطعن الكيلو مترات للقدوم للبنك لفتح حساب حافز ..
و شاهدتهن قبل ان يبدا الدوام طوابير على باب البنك الخارجي ..
ماحدث كالأتي ...
الموظفة تحدث المتقدمات ...
1- اكتبي اسمك وانتظري منا اتصال
2- روحي دوري بنك غيرنا يفتحون لك تلقينهم بنفس الشارع:ohwe:
بكلم الموظفه ماقدرت من الزحمة .. جلست على كراسي الانتظار يمكن تخف الزحمه و اقدر اخلص شغلي
:king:شوي الا دخلت وحده من معارف احد الموظفات وسلمتها ظرف و جلست جنبي تقرا بكل اريحية من هالمطويات ... واتفاجئ ان الموظفه تناديها تدخل الرقم السري عشان تطبع لها البطاقه .. و ثواني و خلصت شغلها وسط الزحمه ....
انا بققت عيوني :icon810:... المشكله حامل مقدر ادخل الزحام ..
دقايق الا وتجي المديره حقت الفرع و تأشر للموظفات:cool: .. ويقومون كلهم بصوت واحد
النظام تعطل:tongue1: ... اووه النظام تعطل ... يا الهي النظام تعطل:huh: .. قفلوا الاجهزه :dozey:
ماذا يحدث ؟؟؟؟
اكتشفت انها حركتهم لطرد الزحاااااااام ... لاحول ولا قوة الا بالله
طيب ليش الاستخفاف بالعقول ؟؟!!
طبعا الكل طلع ..
وانا جلست قالت تفضلي :biggthumpتبين اطلع
قلت اسمحي لي زوجي واصل مشوار ماراح اطلع
وطلعووووا كل الموجودين بحجة النظام عطلان ...
بعد ماطلعو المراجعات قفلوا باب البنك تخيلوا وش سوو ؟؟؟
جلسن يضحكن و يفلوووون ذيك السفره فطور و ضحك ولا كأنه صار شيء
بعد نصف ساعه فتحوا الباب وسبحان الله زان النظام !!!
والحمد لله خلصت اموري وطلعت ..:39:
لكن تفاجأت من تعاملهم مع المراجعات بهذه الطريقه
والله اعلم ان كان (( النظام عطلان)) ام انه اختلاق لفك الخناق ؟؟!!
صار الواحد مايثق ولا بالموظفات من عقب هالحركة ؟؟
لا وزاد الطين بله ما نقل عن الاخوات المرشحات اداري و ماحصل معهن اثنا المطابقة
ايضا النظام عطلان !!:44:
تينا تونا @tyna_tona
عضوة
يلزم عليك تسجيل الدخول أولًا لكتابة تعليق.
النظام عطلان كذبه وعلى مسؤوليتي اخو صاحبتي يقولها احنا كذا بكبسة زر اذا تعبنا نوقف النظام ونقول للمراجع شوف عطلان لين يجي الفني ويسويه يقول ناخذ بريك نص ساعه ونتمدد شوي من الكرسي اللي كسر ظهورنا ونشرب لنا شاهي او اي شيء يفوقنا للمراجعين بس مانطردهم حنا موجودين لخدمتهم بس نبغى شوية نفس ياعالم وربي ماتقدر نواصل اذا اخلاقنا قفلت مع العالم اللي ماتقدر تعبنا احنا مو آلات مسكين دحين ترك الوظيفه لله بس الشهاده لله خدم ناس كثير بحافز وناس على باب الله سوا لهم حسابات وقالهم متى مامريتو اقرب فرع غيروا التوقيع الله يجزاه خير ماقصر
صحيح في ناس تقهر بالبنوك وانا شفتهم وفي موظفات عسل والله يعطيهم العافيه والقوة :26:
صحيح في ناس تقهر بالبنوك وانا شفتهم وفي موظفات عسل والله يعطيهم العافيه والقوة :26:
الصفحة الأخيرة
انا معك في سالفة النظام عطلان
لكن الي اشوفه والي اسمع عنه اوقات المطابقه او اوقات فتح الحساب
زحمة والكل نفسي نفسي بدون التقيد بالنظام وبدون الاصطفاف بالطوابير
يعني المفروض الشعب ينظم نفسه واحنا حريم وعاقلات واغلب النساء المراجعات
تكون اعمارهم فوق 30 سنة لكن شوفي قلة النظام
والموظفه تكون وحده امام 50 او 60 مراجعه بالله وش تسوي
مالها الا تقول النظام عطلان لان خلاص عقلها مايستجيب ماتعرف من تخدم
وغير الي لسانها طويل والي لسانها وسخ اكرمكم الله وغيره وغيره
لما رحت وفتحت حساب في البنك
بجد في حريم متبري منهم لسانهم من التطاول بالكلام وغير قلة الادب وقلة الاحترام
موضوعك قمة لكن تمنيت لو انك كتبتي عن الجانب الثاني
:ohwe: