متى يمكن رؤية الجنين؟؟

السلام عليكم
خلني اذكركم فيني اول..
انا سوسو .. متزوجة تقريبا من 6 شهور.. الدورة متلخبطة خير شر عندي فأكلت كلوميد وحملت بالشهر الرابع من زواجي.. لكن ولله الحمد والشكر على كل حال سقطت وانا بالاسبوع السادس..
وريحت شهرين وهالمرة الله كتب لي الحمل بدون ادوية ماشاء الله وحملت واكتشفت اعراض الحمل من بدري عشان جذي حاسبت شوي ودلعت روحي.. المهم اخر دورة لي كانت 26/9/2006 وطبعا نزلتها بالحبوب.. ياريت حد يقول لي متى اقدر اشوف الجنين ونبضه بالالتراساوند ؟؟ حتى لو اشوف نقطة! لانني في الحمل الاولي رحت للدكتورة الاسبوع الخامس وقالت لي انها تشوف الكيس فقط ؟؟؟
والله اني خايفة من سالفة التسقيط وسالفة الكيس بدون جنين... ودي هالمرة صج افرح ريلي واجيب له من يقول له بابا... ياريت اللي عنده خبرة يجاوبني