:icon33: السلام عليكم..
اخواتي عايشت معاناة كل وحده فيكم ويعلم الله اني ادعيلكم واللي اتمناه حتى اذا ما رديتوا علي ..
ادعولي.. حالتي ما يعلم فيها الا الخالق يعل الفرج منه قريب :icon33:
انا اللي اقدر اقولكم ياه اني اتزوجت عن حب 7 سنوات مرت واحنا في مشاكل مع اهله واهلي وبين بعض احنا متزوجين من 3 سنوات.. يعني عشرة عمر
اللي لازم تعرفوه اننا ما نقدر نعيش من غير بعض.. والحين انا ما اقدر اعيش معا ولا اقدر اعيش من غيره..
اللي صار انه خاني :icon33: :icon33: :icon33: ..(بالتلفون)
ما اعرف كيف هنت عليه المهم اتواجهنا واتكلمنا وقالي اني انا السبب لان قبل شهرين صارت مشكله انه كلم وحده عشان يساعد ابن عمه المتزوج يعني كلمها عشان يقولها تبعد عنه
!! فيه الخير صح!!
المهم وانا من الصدمه سويت مشاكل معاه وبديت اشك واراقب واتجنن لكن لازم تعذروني..لان اللي يصبر طول عمره عشان شي ويشقى لين ما يوصل له ويوم يمسكه يتكسر صعب .. والله صعب..
انا اعشق زوجي وهو اكثر مني والله انه يبوس رجولي عشان اسامحه وانا سامحته لكن احساس الغدر .. هل يروح.. ومتى .. تكفون تعبت والله تعبتت..
هو علاقته فيها ما استمرت شهر وما كان يكلمها دليما(على فكره هي نفس البنت اللي بعدها عن ابن عمه وهو ما شافها لانها من اماره ثانيه) وقالي انه كلمها عشان يذلني ويقهرني!!!
انا لما صارت المشكله الماضيه صار مد ايد مني ومنه وحتى قطع لي شفايفي ويوم نزل الدم تفلت في ويهه.. ما اريد حد يلومني لكني ما كنت في وعيي..
والله شاهد علي اني الحمد لله ملتزمه بصلاتي واقوم الليل وادعي.. واهدا فتره ولكن فجاه انفجر بالبكاء في مكان ..
ادعولي انه ما يكون كل همي وان ربي يريحني..
انا ضامنه انه تاب فعلا وللعلم زوجي يصلي وشبه ملتزم ولله الحمد..
الحين ابا اللي عايشوا هذا الاحساس بس يطمنوني هل برجع انسانه طبيعيه وعلاقتي بزوجي متى بتكون بعيده عن ظل المشكله..
متى العين ماتدمع غصب.متى القلب يوقف نزيفه ..
ساعدوني..انا مالي حد غيركم..
ادعولي والله اني احبه للاسف..بس ابا ارتاح.ابا يوم يسير الدوام ما اخاف ..
ابا احس بالامان..
انا عندي ولد عمره سنه ونص..وادرس باقيلي سنه ..لا تقولوا لي تعدلي وسوي حركات لاني سويت واسوي ومرات احجز لنا في فندق (لان احنا عايشين في ملحق داخل بيت اهله) وارتب واجهز..والحمد لله علاقتنا الجنسيه ما فيها شي حتى بعد اللي صار..
للعلم الموضوع صار الاثنين اللي فات..يعني دم قلبي بعده ما جف..
متى؟؟؟؟؟؟؟؟؟؟؟؟؟؟؟؟ متى؟؟؟؟؟؟؟؟؟؟؟؟؟؟؟؟؟؟ متى؟؟؟؟؟؟؟؟؟؟؟؟؟؟؟؟؟
ضاع عمري @daaa_aamry
عضوة جديدة
يلزم عليك تسجيل الدخول أولًا لكتابة تعليق.
ضاع عمري
•
تسلميين حبيبتي الله لا يردك دعوه ان شاء الله.. ويرزقك باللي في بالك ..
واحب اوضح شييئين
1 هوضربني اول لاني سحبت التلفون منه.
2 هو اللي اتصل فيها وهي قالت له شو تريد بعد هالمشاكل قال لها ابا اسولف!!(هو اللي خبرني)..
انا ما الومها لان ما في وحده تتجرا الا اذا حصلت تجاوب..
الله يسلمك ويحفضك من كل شر..
تصدقين انا لين اليوم مب قادره حتى اطرش له مسج لان هي كانت ترسله مسجات اخاف اني اطرشله واحد من المسجات اللي عندها..
هو راواني المسجات وكلها عاديه مثل اللي تتراسلينها مع وحده من ربيعاتج يعني ما كانت تتعنى لكن انا قلبي ناااااااااااااااااااااااار :icon33:
واحب اوضح شييئين
1 هوضربني اول لاني سحبت التلفون منه.
2 هو اللي اتصل فيها وهي قالت له شو تريد بعد هالمشاكل قال لها ابا اسولف!!(هو اللي خبرني)..
انا ما الومها لان ما في وحده تتجرا الا اذا حصلت تجاوب..
الله يسلمك ويحفضك من كل شر..
تصدقين انا لين اليوم مب قادره حتى اطرش له مسج لان هي كانت ترسله مسجات اخاف اني اطرشله واحد من المسجات اللي عندها..
هو راواني المسجات وكلها عاديه مثل اللي تتراسلينها مع وحده من ربيعاتج يعني ما كانت تتعنى لكن انا قلبي ناااااااااااااااااااااااار :icon33:
العناااا
•
اختي بالله
الرجل عندما رجع يكلم من جديد ليس عيبا فيك لكنه هروب من المشاكل يجد انسانه اخرى تنسيه همومه بالكلام الطيب والسوالف السنعه انتي شكلك دايم تناقشين هالمشاكل معاه
نصيحه غرفتك حوليها الى سويت يعني حطي تلفزيونك وجلسه لك انتي وياه وبار صغنون وميكرويف وسخان مويه السريع او طاوله بدرج مرتب للكابتشيوني والكوفي وثلاجه صغنونه يعني حوليها لشقه صغنونه دايم خليكي فيها قومي بواجبك بيت اهل زوجك من تخلصين سيده روحي لدراك وعودي زوجك نفس الشي من يتغدا ويجلس مع اهله ساعه بعدها يروح لسويتكم خليه يرتاح بعد عناء العمل وبرمجي نوم ولدك معاه وبعدها يصحى الا انتي لابسه ومتجهزه له ومجهزه القهوه والشاي والحلا والهيه بالسوالف معك بقولك شي انتي تختلطين بالبنات وتصير سوالف مواقف بالمدرسه انسبي انها صارت حتى تختلقين سوالف تجذب انتباهاه ولا يغنى ان هالسوالف تكوني بجنبه او جالسه بحضنه سوي حركات اول ايام زوجك ولا تعطينه فرصه ينفرد لحاله حتى ما يحن والزيارات خليها عنك خليها بوقت لجوه ضيوف او شي بسلامت التلفون البعيد صار قريب لين يرجع لطريق السليم واهم شي لا تعيرينه بزلته وانك تتفشخرين بمسامحتك له او تشكين فه عطيه الثقه اذا شككتي به باخذها بمحمل العناد ويرجع لها واتمنى تتقيدين بهانصيحه صدقيني مجتمع النساء لن ينفعك اللي بينفعك زوج وولدك لا تهمليهم عشان هذرة نسوان..تحياتي اختي وخبرينا وش صار معاك
الرجل عندما رجع يكلم من جديد ليس عيبا فيك لكنه هروب من المشاكل يجد انسانه اخرى تنسيه همومه بالكلام الطيب والسوالف السنعه انتي شكلك دايم تناقشين هالمشاكل معاه
نصيحه غرفتك حوليها الى سويت يعني حطي تلفزيونك وجلسه لك انتي وياه وبار صغنون وميكرويف وسخان مويه السريع او طاوله بدرج مرتب للكابتشيوني والكوفي وثلاجه صغنونه يعني حوليها لشقه صغنونه دايم خليكي فيها قومي بواجبك بيت اهل زوجك من تخلصين سيده روحي لدراك وعودي زوجك نفس الشي من يتغدا ويجلس مع اهله ساعه بعدها يروح لسويتكم خليه يرتاح بعد عناء العمل وبرمجي نوم ولدك معاه وبعدها يصحى الا انتي لابسه ومتجهزه له ومجهزه القهوه والشاي والحلا والهيه بالسوالف معك بقولك شي انتي تختلطين بالبنات وتصير سوالف مواقف بالمدرسه انسبي انها صارت حتى تختلقين سوالف تجذب انتباهاه ولا يغنى ان هالسوالف تكوني بجنبه او جالسه بحضنه سوي حركات اول ايام زوجك ولا تعطينه فرصه ينفرد لحاله حتى ما يحن والزيارات خليها عنك خليها بوقت لجوه ضيوف او شي بسلامت التلفون البعيد صار قريب لين يرجع لطريق السليم واهم شي لا تعيرينه بزلته وانك تتفشخرين بمسامحتك له او تشكين فه عطيه الثقه اذا شككتي به باخذها بمحمل العناد ويرجع لها واتمنى تتقيدين بهانصيحه صدقيني مجتمع النساء لن ينفعك اللي بينفعك زوج وولدك لا تهمليهم عشان هذرة نسوان..تحياتي اختي وخبرينا وش صار معاك
ضاع عمري
•
الغاليه اشكرج على مرورج بس انا ما عندي غيره..
انا حتى صديقات عندي 4 من ايام المدرسه وبينا مسجات حتى كلام اقصر معاهم ..
يمكن هذي مشكلتي انه هو حياتي كلها انا ما ازور حد حتى عزايم ما اروح الا الاهل بس حتى اهلي مستحييييييييل ابات عندهم الا مره كل شهرين وابات ليله وما انام لين ارجع عنده..
انا ما اطلع الا معاه او اذا رايحه الكليه او مشاوير عاديه اذا كان مشغول .
حتى في الكليه اوصل الكلاس اخلص على طول ارد ابيت.. ما عندي ربع..
والحمد لله انا مب مقصره معاه في شي ولا مع اهله.. وهو حرام يحاول يعوضني لكن ابا الالم يتوقف..
شاكره لج اهتمامج .. عسى ربي يرزقج باللي تتمنينه..
انا حتى صديقات عندي 4 من ايام المدرسه وبينا مسجات حتى كلام اقصر معاهم ..
يمكن هذي مشكلتي انه هو حياتي كلها انا ما ازور حد حتى عزايم ما اروح الا الاهل بس حتى اهلي مستحييييييييل ابات عندهم الا مره كل شهرين وابات ليله وما انام لين ارجع عنده..
انا ما اطلع الا معاه او اذا رايحه الكليه او مشاوير عاديه اذا كان مشغول .
حتى في الكليه اوصل الكلاس اخلص على طول ارد ابيت.. ما عندي ربع..
والحمد لله انا مب مقصره معاه في شي ولا مع اهله.. وهو حرام يحاول يعوضني لكن ابا الالم يتوقف..
شاكره لج اهتمامج .. عسى ربي يرزقج باللي تتمنينه..
العناااا
•
اختي اكبر دلليل انك مقصره بالجلوس مع زوجك والسوالف معه موضوع الاتصال ووقالك يبي يسولف والدليل القاطع المسجات يعني انتي ظلمتي ارجال والخطاء منك انسى زلته لو ما يحبك ما طلب تسامحينه حطي نفسك بمكانه زوجك ما يسولف معاك وش تسوين اكيد بتروحين لصديقاتك او قريباتك وتضيعين الوقت وتسولفن معهم عزيزتي اشري رجلك ليشرونه الحريم والرجال شاريك وخليك من موضوع الزعل وابدي من جديد بيتكبرين بعينه وصدقيني بيتوب اساي مجرب وشكرا
الصفحة الأخيرة
المهم عليج الصبر وعالجى الأمور بحكمه ..
انتى بنت ناعمه .. اشلون مديتى يدج عليه .. هذا شىء ما اشجعه ابدا وانا اعرف انه من حرتج ومن الموقف البايخ اللى فور الدم بقلبج .. وانتى ماتنلامين والله يلوم اللى يلومج .. لكن هو ضربك لانج انتى مديتى يدج .. وانصحج لا تكررينها وانشاءالله مافى موقف يستدعى هالشىء مره ثانيه ... موضوعج بالنسبه لباقى المشاكل وحله انشاءالله مقدور عليه .. بس انتى هدى بالج .. وصدقينى هو كلم البنت موبايل .. واتوقع انها علاقه عابره .. وديرى بالج
ترا البنات استغفر الله كلبات .. والله مايحلا لهم الا المتزوج .. وهذى وحده لعوب تكلم صديقه وتكلمه .. يعنى متعوده على هالسوالف .. يمكن طلبت يكلمها بدل ولد عمه ويمكن ولد عمه ماله علاقه ويمكن له علاقه مو مهم المهم ان هالمرأه لعوب الله يكفيكى شرها.. انشاءالله ماتتكرر .. ادعى الله يكفيكى شرها .. والحمدلله انه تركها
.. انتى تقولين زوجج تاب وطلب منج تسامحينه .. سامحيه .. وانشاءالله يقدر هالشىء .. وصدقينى هذا شىء عابر وازمة وتعدى على ماقالوا .. وتقربى من الله بالدعاء بين الصلاة والاقامه فإنه مستجاب .. وقيام الليل .. وانشاءالله يحفظ لج زوجج ويقربه لج وانتى استمرى بالاهتمام به ولاتخلين اى فرصه فراغ يحس انه يستغلها ووانشاءالله مع الايام تزول جراحك وألمك .. لكن لاتخلين هالالم يخرب عليج حياتج .. ابدأى من جديد .. الرجال مايحبون اللى دايم تذكرهم بأغلاطهم .. حاولى تقومينه لصلاة الفجر .. وتتصلين عليه بالدوام تتطمنين عليه قولى بس حبيت اسمع صوتك واتمنى ترجع لنا لاننا مشتاقين لك .. يعنى حركات علشان تجدد الحياة وتنسيك الالم .. انسى هالموقف وادعى الله يمدج بالصبر ويهون عليج الألم .. ولاتنسين ان كل ابن آدم خطاء .. وزوجج اعترف بخطأه والايام فقط الايام كفيله بنسانج الالم .. والدعاء ايضا يحفظ لج بيتج .. بإذن واحد أحد ..
اتمنى اكون ساعدتج بشىء وياليت قدرت اقدم لج كلام يفيدج ..
لكن حاولى تنسين الألم وتذكرى ان زوجج محتاج لج وبيتج وعيالج .. المهم تدعين له وتقولين والله اليوم صليت ودعيت الله ان يحفظك لنا .. ترانا مانستغنى عنك .. ولاتفتحين الجروح .. كونى ذكيه واكسبى زوجج للبيت .. لا تنفرينه منه لمن يشوفج دايم تبكين ومحزنه ..
واتمنى لج التوفيق يارب