مواقفكم تضحك واااااايد

أنا مالجه و فكرت أسوي بزوجي مقلب

قمت كتبت له مسج ( أنا آسفه لاني ما قلت لك الحقيقه من أول علاقتنا ,, سامحني أرجوك)

و يوم كلمته قال لي شو هالخرابيط اللي كاتبتنا تراني مسحت المسج

قلت له يا فلان انا ما أحبك ول ا عمري حبيتك

قال لي و ليش وافقتي علي

قلت له انا قلت لك قبل محد خذ رايي ( لان اهلي ما سألوني مباشرة , كانوا كل ما يقولون لي أضحك و فهموها )

قال لي و كل اللي سويتيه تمثيـــــــل

قلت له هي تمثيل و سكتتتتتتتتتتت

اقول له وينك يقول لي موجود و هو مااااااااااااد البوز

بعدين قلت له و بهداوه ( أسولف وياك هذا مقلب , و انا لو ما كنت أبغيك ما كنت قلت جدام القاضي نعمممممممم )

و انقلب الموقف اللي لازم يكون مضحك و تم زعلاااااااااااااااااااان و تميت أراضيه ساعه بس ما شي فايده

يا فلان هذا مقلب يقول لي لا انا مو امصدق ,, يا فلان أحلف لك بشو انه مقلب ,, بس ماشي فايده

قلت له بخلي أختي تكلمك لاني قلت لها اني بسوي مقلب ,, و يبتها عاد اختي تستحي قالت هي مقلب و سارت

جيه جيه ,, صدق انه مقلب و انا قلت تووووووووووووووبه اني اسوي مقالب

مقلبي كان كبير ههههههههههههه بس ما كنت اتوقع ان كل هذا بيصيرههههههههه

اهليييييييييين وسهلييين بخواتي الغالين..

بصراحه مواقفكم مررررررره حلووووه..
وبصراحه اكثر وسعتو صدورنا بهالسوالف :42:

نستنى المزيد من المواقف اللي عندها لا تتردد في الكتابه.. :32:



احلى سوسو :27:

هلا فيكم خواتي الغاليات ياربي قطعتوا قلبي من الضحك الله يجزاكم خير .. انا حصل لي موقف مع زوجي في السنه الاولى من الزواج كنت اغسل الملابس ولما ابي اطلعهم من الغساله كانت تكهربني ورحت قلت له تعال شوف الغساله المهم هو عادي يدخل يده جوى الغساله ما يصير له شيء انا لما ادخل يدي بالغساله اتكهرب المهم قلت ما امسك هالغساله ولا استخدمها ابد هو جا بكل ثقه وشطاره وقام قال بيساعدني وانا طلعت وتركته مع الغساله وما امداني اعطيه ظهري طالعه والا اسمع ذيك الطربقه القويه طططططططططرررررررططاخ طيييييخ والتفت وراي اطالع ايش اللي حصل والا رجلين الرجال فوق وراسه تحت والله في البدايه خفت عليه هذا كهرب ماسكه مو لعبه بس لما قام
وانا سميت عليه وكان معصب وخايف انا ماسكه نفسي وحابسه مشاعري وطالعت بوجهه وافك ذيك الضحكه اللي بحياتي ما ضحكتها وانحاش عنه بس والله طول اليوم وانا اضحك والى اليوم اضحك الحمدلله اللي ربي سلمه هذا كهرب مو لعبه وكان يطنز فيني ياخوافه مافيه كهرب انتي تتوهمين لين عرف بنفسه ..

ما اذكر شيء اللحين..
بس ضحكت على مواقفكم اللين دمعت عيوني..:24:
خاصة نسايم مع خالتها.ههههههههههههههههههه

والله اني كنت في قمة نكدي وقهري000بس ضحكتوني الله يسعدكم