سنو وايت الحل الجذري والمضمون لج بإذن الله
تقشير - اضراق - رونق - تجديد - بياض - تألق
:26:
موفقة ياقلبي
:26:

الكلام اللي قالته أم عصومي عين العقل , وهذا اللي لازم تفكرين فيه قبل
الخلطات والكريمات , شوفي بقولج .. انا من فتره كنت وايد تعبانه , اسبوعين
كله في الفراش ماتحرك ولا اكل عدل , السواد اللي تحت عيني زاد ووجهي
صار اصفر يخرع كاني ميته والله .. المهم يوم تحسنت صحتي بديت اهتم في نفسي
وفي اسبوع رجع شكلي نفس قبل الحمدلله .. شوفي الخلطات تاخذ وقت وشهور
بس في اشياء تقدرين تسوينها وتطلع النتايج بسرعه , بقولج عنها

اول شي اهتمي في نفسج من الداخل نفس ماقالت ام عصومي , اكلي فواكه
وخضار .. انا كل يوم لازم اكل تفاحه لانها وايد مهمه للبشره والصحه , سويلج
سلطات فواكه فيها جح وكمثرى وبطيخ وبرتقال هذي كلها بتساعد بشرتج
وكل يوم شربي كاس حليب بارد من المراعي و لبن , ممتاز للبشره والصحه

وخذي وعاء حطي فيه ثلج مع ماي ورد وحطي وجهج فيه كثر ماتقدرين ,
كرري هالشي لمدة 8 دقايق هالشي بيخلي بشرة وجهج نضره

وكل يوم قبل لا تنامين اخذي قطعة قطن واغمسيها في حليب سائل بارد
وامسحيها على وجهج ورقبتج خليه شوي عقب اغسليه بماي بارد هذا مناسب
حق كل انواع البشره

بالنسبه لنضاره الوجه معروف قناع الموز مع العسل وايد زين , حتى الليمون
مع الطماط , وايد سهلين , كل اسبوع تقدرين اتسوين واحد منهم , اتحطينهم بس
15 دقيقه عقب تغسلينهم .. اذا زوجج طلع استغلي هالشي وسويه ماياخذ وقت

لازم تاخذين كريم مرطب للنهار ومجدد لليل , مادري شاللي يناسبج بس انا
شخصيا استخدم نيفيا ممتاز مايسبب اي حساسيه وريحته حلوه ويخلي الوجه
ناعم ورطب

بالنسبه لجسمج كل يوم قبل لا اتسبحين افركي جسمج كامل بملح وزيت زيتون
وخليه 10 دقايق عقب اغسليه بماي دافي , واستخدمي اي سكرب من البودي
شوب , بتحسين بنعومه ونظافه

انا كاتبه في موضوع عن تونك ماسك سحري يبيعونه في الجمعيات ممتاز يخلي بشرتج نضره وفيها حيويه من اول استخدام , وفيه بعد خطوات سهله تسوينها في ساعتين قبل لا يشوفج زوجج مافيها شي صعب اتمنى تقرينه ان شاء الله يفيدج

والله يوفقج حبيبتي خخخخ وايد طولت بس حبيت افيدج بتجاربي

كل آراء الأخوات مهمه .. وعن تجربه إني ما خليت شي ما جربته.. ولكن بعد ماجربت كورس التنظيف عند أخصائية تجميل إرتحت من الخلطات المنزليه .. عطتني كل ما أحتاجه لبشرتي أستعمله في البيت وكل فتره أكون عندها للتنظيف العميق للبشره .. وألحين بديت بالتقشير بالكرستال وباجر إنشاالله الجلسه الثانيه ..

السلام عليكم ورحمه الله وبركاته
انا حبيت اضيف لك معلومه وانشاء الله تنفعك
انا تقريبا نفس مشكلتك ولقيت لها حل وهي انك تغلين قليل من البقدونس وتصفين المويه وتمسحين وجهك مع كل وضوء وانشاء الله ينفع معك وكمان تقدرين تستخدمين ماي الورد لانه يورد الوجه ويبعث فيه الحيويه

الغاليات
غيوض
شاهزنان
نانوش الكويت
luv_sweets
بنت دبي
الليمونة الحلوة
أسأل الحي القيوم الواحد الأحدأن يرزقكم جنات النعيم ويسخرلكم أزواجكم
واللي ماتزوجت يرزقها الله الزوج الصالح
ولكم خالص أمتناني