مشكورات حبيباتى على الرد

ضناها الشوق 1 انتى اللى عسل

الاضواء اعتقد انه موجود فى كل افرع باريس جاليري بس هذه الماركه انا اول مره اخذ منهم شى والصراحه وايدعجبنى وانتو يوم بجربونه فى المحل جربوه على ايدكم بتحسون انه ناعم مخملى وبعد ثوانى ينشف وهذا اللى عجبنى عشان يوم احط مكياجى بعدين ما يزيت وجهى .
وارجو من اللى تجربه تقولى رايها وشكراً مره ثانيه

مشكوره الغاليه بنت ابــــــوها
بصراحه انا مشكلتي نفس مشكلتج دايما تطلع لي القشور تعقدت منها
ان شاء الله بشتريه ،،، بس بغيت بكم خذتيه

محبه العلم انشاء الله دوم تكونين محبه للعلم

حبيبتى سعره بحدود 157 درهم يعنى بهذا الحدود للأنى اخذته مع كريم ثانى من ماركه كلينك والكريم الثانى بعد حلو وللى بشرتها فيها قشور بس هذا الكريم مثل الجلى لونه مشمشى وينحط قبل النوم وهو الديهايدريت ماله عالى وهذا يعنى انه البشره ناقصها ماء والحلو بعد فى كريم كلينك انه اتحسين انه يغذى البشره وايد ويتكون من الماء

وبعد قالت لى الخبيره كلينك انه ممكن احط كريم كلينك فى الثلاجه ويوم تكون عندك مناسبه اتحطينه على وجهك لمده ربع ساعه وبعدبن اتشيلينه يسوي ترطيب فظيع وبعدين اتحطين كريم روساش واذا تبون اسم الكريم الثانى من كلينك بكره ان شاء الله بكتبه لكم لأنى فى الدوام الحين .
سلالام

مشكوره حبوبه

الله يسعدك ...كمان الكريم الثاني من كلينك ...

بشرتي طول السنة متقشرة ...مع انها دهنية مختلطة .