اليوم عندي ليكم مثلج ساهل غير اللي مبغاش يستغنى على مثلج المحلات
4 بيضات
كاس سنيدة العنبة
2 معالق كبار السكر كلاصي والى مكاينش عوضوه بالسنيدة
20سل أو 200غرام قشدة طرية ثقيلة والى مكاينش في مدينتكم يمكن ديرو لاكريم شنتي غبرة مع كاس كبير الحليب وطربوها
2معالق نيدو اختياري اللي معندوش ماشي مشكل غير اللي تيبغي المداق ديالو
نكهات حسب الاختيار
نطربو بيض البيض بوحدو مع نصف كاس السنيدة
نطربو أصفر البيض مع نصف السنيدة
نطربو القشدة مع 2 معالق السكر كلاصي
ومن بعد نخلطوهم كلهم مع اضافة 2 معالق نيدو ونطربو الكل
نقسموهم على النكهات اللي بغينا
النكهات اللي درت روح فستق مع روح اللوز تيجي غزال المداق ديالو
الشكلاط اللي فيه اللوز حكيتو وخلطتو تقدرو ديرو الكاكاو
نكهة الروح فاني
وبالصحة والراحة تنتمنى يعجبكم دمتم برعاية الله