مثل مااستفدت منكم استفيدوا مني!!!

السلام عليكم ورحمة الله وبركاته
حبيباتي الحوائيات بأختصار وبدون مقدمات قبل اسبوعين تعبت بنوتي بس ترجع وبدون مقدمات وهي عمرها سنه وشهر وديناها عند اخصائي قلبها يمين ويسار وكشف ع اذونها وشاف حرارتها وكل شي الحمد لله طبيعي سكت وقال هذا برد صرفلنا كيس مليان ادويه المهم رجعت البيت واخذت كم يوم اعطيها الدواء وهي مستمره بالترجيع ادهن رجولها بفيكس وقرنفل بودره وهي بالعاده اذا كان داخلها برد تخف على الفكس والقرنفل وانا اصلآ قلت لزوجي ترجيعها وانتم بكرامه مو ترجيع برد لانها قد جاها البرد وقامت ترجع كان ترجيعها غزير وزي المويه وساعات يكون اصفر من البرد وهالمره ترجيعها ثقيل وتتغصب عشان ترجع المهم مأطول عليكم قلت مألي الا الله ثم الطب الشعبي كلمت حرمه تعالج قالتلي وبكل بساطه خشمها ينزل منه مويه قلتلها لا قالتلي بنتك اللي فيها شمم يعني مشتمه من اسنانها على طول رحت ونقعت فمويه محلب ومره بودره وقعدت اغسل وجهها فيه وشربها شي بسيط جدآ منه وافرك لثتها بفروك عباره عن رشاد محموس ومطحون ومره ومحلب مطحونين بودره وافرك اسنانها فيه من بكرى وبعده خف التطريش واليوم الثالث وقف ولله الحمد والمعجزه هنا ايش لثتها بدأت تتورم يعني اسنانها بتشق كلمت امي ابشرها قالتلي الطفل اذا تورمت لثته انقعي حلتيته تجي مكعبات بيضاء فمويه واذا ذابت اخذمنها وافرك اسنانها واستخدمت طريقة امي امس واليوم بس واللحين قاعده اشوف سنها باينه من وراء الجلد بتشق
ومااقول غير الله يجزاء ام فارس كل خير فرمضان وهي الحرمه اللي تعالج ويصلح نيتها وذريتها ويخليلي امي ويرزقها الصحه والعافيه

واللي تستفيد مني لاتنسى تدعيلي ان الله يصلحلي زوجي وبنوتي ويرزقني الصحه والعافيه وراحة البال