يابنات مو بس على النظافة او الاهتمام بالشكل حتى بالطبايع احنا نقعد نشري الكتب (زي كتاب الرجال من المريخ والنساء من الزهرة) ونقرا ونحاول نعدل من اسلوبنا لهم ونتفهم نفسياتهم لكن لو تقولين لزوجك اقرا الكتاب واستفيد عشان نقدر نفسر تصرفاتنا ونعرف نتعامل معاها قال: (انا كذا إذا موعاجبك ادعي ربك انه يعوض عليك بالجنة)
وبالمقابل يطلب منك انك ماتضايقين من تصرفاته وتكونين مطيعة ولا تسألين وتتأقلمين على حياته وهو لا يحاول ان يغير شيء في تعامله معك ويقول المسألة بسيطه انك تتحملين وتصبرين
المشكلة إذا حاولتي تغيرينه أو ماقدرتي تتأقلمين معاه قال انا زوجتي مابيني وبينها انسجام وتطلعين انت اغلطانة
المفروض يعرفون ان المرأة تعطي حبها وحنانها وتعتني بنفسها اكثر إذا لقت احد يستحق ويقدر هالمجهود
لكن إذا مالقت تقدير للي تسويه تتعب وتحس ان مالها فايدة وتمل وتختفي كل الاشياء الحلوة اللي كانت تعملها

وسلامتكم

هههههههههههههههههههههههه الله يسعدك ضحكتيني
مره زوجي قال لي الله يعينكن ياالحريم الحمد لله اني رجال لو اني مره لصرت
اوسخ امراءه في العالم
اما بالنسبه لبسي بالبيت عادي بناطيل اغلب شي والمكياج مااحط(واثقه من جمالي هههههههههههه)
عشان كذا ماله داعي يكشخ لي
الله يحفظه لي

ههههههههه
الله يسعدك

احلى كلام

ودي تشوفين زوجي لا جاء يطلع مشاءالله عريس الثوب اللي يلق والبخور ودهن العود والعطر

والشماغ اللي على سنقة عشره والجزم الماركه والتشخيص اللي ماله داعي:arb:

والبيت النقيض تمااااااااااااااااااااااااااااااااااااااااااااااااااااما شخص اخر

من يدخل عند الباب تجديع الثوب الجزمه وانتي بكرامه الشماغ ابد عاصفه ماره على البيت

وش يلبس الله لايوريك اختيارات عجيبه اهم شي انه يخفف ومايحتر

لايتعطرلي ولايهتم بلبسه عشاني والجسم اللي نوعا ما كان مقبول ودعناه وتحول لجسم اخر يبيله رياضه عنيفه:7_5_131: :7_5_127: :7_5_122:

تدرين اوقات حتى انا من القهر اقول مابلبس له وبهمل ليته يحس ويشوف الفرق بعينه لاجيت اطلع عشان يقولي الجمله اللي دايما اقولها له((ايه الزين والتلبس لبرا وانا يحسره ابيك تلبس لي ولو بجامه من الهرم)):09: :09: