*نوااامه* :

حبيباتي سامحوني على التأخير اليوم السادس قمنا الصباح ونزلنا فطرنا في نفس الفندق طبعاَ {الشيرتون } وهذي صوره من فطورهم بعد الفطور طلعنا تمشينا حولين الفندق قبل ما نودعه رجل محترف يصور في الشيرتون بنات انا متأكده اني صورت صور كثيره للشيرتون خاصة المسبح تبع الفندق ,,بس للأسف ما لقيت الصور !! مدري وين أختفت !! يمكن أنمسحت من الكامير ؟؟!!الله أعلم عموما ما كتب ربي تشوفوها المهم تمشينا حولين الفندق ولعبو الصغار في حديقة الفندق وبعدين طلعنا نلم أغراضنا لأننا بنسلم الفندق يتبع

حبيباتي سامحوني على التأخير اليوم السادس قمنا الصباح ونزلنا فطرنا في نفس الفندق طبعاَ...

+2

*نوااامه* :

نكمـــــــــــــــــــــــل طبعا حبيباتي الي متابعين التقرير معايه من أوله أكيد بتفهمووو كلامي .. الحين أحنا قلنا 3أيام لنكاوي و3أيام بيننق صح؟؟ يعني المفروض اليوم نمشي على بيننق صح ؟؟ بس الي حصل انا ما لقينا حجز بالفيري هذا اليوم, وكان يوم الأحد وذكرت لكم السبب ,, فحجزنا يوم الأثنين ,يعني بيصير 4أيام لنكاوي ويومين بيننق !! يعني اليوم أحنا حاجزين فندق في بيننق بس محنا رايحين الا بكره ومستحيل يرجعووو لنا قيمته ,, وألحين لازم ندور لنا مكان في لانكاوي لأننا حاجزين 3أيام فقط !! شفتو اللخبطه الي حصلت طبعا قبل ما نطلع من الشيرتون زوجي طلب منهم حجز ليله أخرى قالوله الليله بـ900 رنجت :09: قام زوجي أتصل على الفندق الي كنا فيه ,,أكيد فاكرينه {لانكاوي لاقون } وطلب منهم حجز غرفه لليله واحده فقط وبالقوه لقينا غرفه بس الحمد لله انا لقينا :27: ورجعنا طلعنا من الشيرتون وأخذنا تاكسي وكانت قيمته {16رنجت} ووصلنا لفندقنا الأول لانكاوي لاقون بس أعطونا غرفه مطله على الجبل ,, لأن الغرف المطله على البحر كلهااا فل ,, بس قلنا ماعلييه هذي المره نغير وطبعا كانت قيمة الغرفه 450 رنجت أضفناها في المقدمه لقيمة الفنادق أذا فاكرين . وهذي صور الغرفه المهم ريحنا في الفندق شويتين ونزلنا عشان ناخذ تاكسي ونطلع جوله نهريه وأحنا نازلين صورت لكم هذي من ممر الفندق المهم نزلنا وأخذنا تاكسي وقلناله نبغى نروح جوله نهريه مشينا الساعه 4 العصر ورحنا للنهر وفي الطريق أخذت لكم كم صوره يتبع

نكمـــــــــــــــــــــــل طبعا حبيباتي الي متابعين التقرير معايه من أوله أكيد بتفهمووو كلامي...

*نوااامه* :

والله اني انبلشت بلشه بهذا التقرير مدري وش جاني يوم فكرت أنزل تقرير الحين حملت الصور لمن أكتمل المجلد وجيت الحين أفتح مجلد جديد عشان أنزل باقي التقرير وقلي أن المساحه المسموح بها تعديتها !!!يعني حملت صور أكثر من اللازم طيب وش السواة ؟؟وكيف أحمل صور زياده ؟؟ ومن هبالتي وغباءي قلت بمسح الصور الي قد نزلتها في التقرير !!!! ومعدني مستفيده منها !! امحق من ذكاء !! ورحت ومسحت كم صوره ويوم شيكت على تقريري لقيت الصور انمسحت من التقرير :icon33: والله لو تحج البقره على قرونها معد أحملها مره ثانيه :mad: زين اني ما مسحت كل الصور والله يا بنات صدع راسي من التقرير ,,بس مستحيه منكم :35:قلت لازم أكمله الحين كيف أنزل صور زياده والمجلد مليااااان أصلا طريقة تحميل الصور وتنزيلها صعبه وسخيفه إذا نزلت صوره يرجعووووني لأول صفحه وأجلس اطامر بين الصفحات لمن أوصل للصفحه الي كنت أنزل منها :09: والله حاله خاصة ان التنقل بين الصفحات مررررره بطيء خاصة من بعد المغرب شي مو طبيعي كل هذي الزحمه على منتدانا , وفوق هذا كله كل ما كتبت طار الموضوع والله أحس شوي وعقلي يطير الحين مين الحلوه الي تقلي كيف أحمل صور زياده :icon33::icon33::icon33:

والله اني انبلشت بلشه بهذا التقرير مدري وش جاني يوم فكرت أنزل تقرير الحين حملت الصور لمن...

*نوااامه* :

نكمل وربنا يعين ويسهل وصلنا للنهر وراح زوجي عند شباك الحساب وكانت قيمة الرحله والله أعلم ,ماني متأكده {250رنجت} وأخذت لكم صوره قطوه من عند شباك الحساب هههههههههههههههههههههه سبحان الله حتى القطوه تختلف من بلد لبلد وش لاحضتو على القطوه الي عندها قوة ملاحظه تجيبها وعلى فكره كل القطط الي شفتها زي كذه يعني مو بس هذي حاله خاصه لالا كلها نفس الشي سبحان الله نفسي أعرف السر :35: المهم بعد ما دفعنا قيمة الرحله النهريه راح زوجي جبلنا شوية عصيرات وشغلات وكانت القيمه بـ{31رنجت} ونزلنا على طول على القوارب وهذي صوره قبل لا نركب وهذي صوره ثانيه وركبنا في القارب ,,وأنطلقنا على بركة الله وهذي بعض الصور يتبع

نكمل وربنا يعين ويسهل وصلنا للنهر وراح زوجي عند شباك الحساب وكانت قيمة الرحله والله أعلم...