مثل ما وعدتكم عنايتي لشفايفي كلللللللللللللللوش الحساد برا

السلام عليكم ورحمه الله وبركاته ، بسم الله


قبل لابداء الموضوع ، بصراحه حز بخاطري كلام البنات وكل وحده تشوف الموضوع بمزاجهآ ما اقول إلا الله يسامحكم . و في بنات بعد رفعوا لي وساندوني بالموضوع وهذا الموضوع اهداء لهم و لـ ام ادم حبيبتي والله انك انسانه جميله يعني من جد لما قريت ردها والله علي طول كتبت الموضوع هي اللي فهمتني ي جعلني بس


:: تنويه ::
الموضوع بيكون بدون صور مجرد كلآم لان أخاف اتعب علي الفاضي وبشوف رده فعلكم
وإن شاء الله بالموضوع الجاي ابشرو بالصور باي ~



نبداء باسم الله


الشفايف جزء لا يتجزاء من المراءه وطبعا فيه احجام وآشكال سواء كان ، صغير ، مربرب ~> برا

وطبعا له لون لكن علي حسب لون بشرتك راح تكون لون شفايفك . كيف ؟ أقول لكم كيف


البشره البيضاء معروفه وتتميز باللون الوردي الفاتح ، السمراء أو كما يعرف بشره العرب بشكل عام سمراء ولون الشفايف بالغالب مابين البنفسجي والوردي ، البشره كما تسمي الافريقه الشفايف جداً غامقه بس بالمقابل الاسنان بيضاء ميزه كويسه


اوك وش اللي استفدتيه الحين ! عرفتي لون بشرتك ومنها راح تعرفين تعتنين فيها

نكمل

بالغالب بالخليج عندنا اممم تقريباً بشرتنا سمراء بما يعني شفايف بنفسجية

طيب وبعدين ، لحظه حبه حبه !

اغلب الخلجيات بشكل عام يعانون من شفايف بنفسجه ، لون الشفه العلويه غير عن السفلية > ترا شيء طبيعي بس اقصد أغمق منها بثلاث درجات وكذا ، الجفاف~ هذآ شيء طبيعي جداً بالنسبة لاجوائنا الحاره


طيب فهمتم الحين وش المشاكل ؟ حلو نجي الحين لحل المشكلة


بسم الله ، انا بكتب لكم روتين عنايتي الدوريه لشفايفي وممكن يتغير بشكل شهري علي حسب وانتم خذوا اللي يناسبكم .


راح أقول لكم طبيعه شفايفي علشان تفهمون اكثر

شفايفي الجميله * ما شاء الله *

مربره لوووووول ، ووسط مش كبيره بزيادة و مش صغيره يعني ما بين و ما بين

لونها طبيعي بين البنفسجي الفاتح والوردي ، لحظوا انا شفايف بتكون بارزه بوجهي فلازم اهتم فيها منيح منيح

فا انا مقسمه عنايتي شهري ، اسبوعي ، يومي . بس افكورس انتم وزعوا عنايتكم علي الوقت اللي يريحكم انا بكتب كل شيء أو اللي اتذكره لان الموضوع تقدرون تقولون ارتجالي نوعاً ما

المهم نبداء

التقشير :
لكل وحده طريقتها بالتقشير اللي يناسبها ، انا بصراحه اعشق اعشق مقشر لوش اكيد كلكم تعرفونه ، بس للأسف فرعه بالرياض وجده فاللي ساكنه بالرياض أو جده انتي جداً محظوظه مري علي لوش وخذي لك المقشر نصيحه مني ، بالنسبه لي انا بالشرقية فصعب علي كل شوي اروح للرياض علشان مقشر بس متي ما رحت للرياض لازم أخذه ، طيب وش السوات اذا خلص ، *طيب يا ماما اسمعي هذا مقشر اخذت من منتدي اسمه العروس ما انسبه لنفسي * ف انا اسويه لخلص مقشر لوش لانه بصراحه يشبهه من ناحيه الفوائد تقريباً


فوائد المقشر هذا هو :

توريد فوري للشفايف ، ازاله الجلد الميت ، رايحه المقشر جميييييييييله تجنننن اعشششقهآ مرره ويرطب كمان

المكونات : كيس جلي ( توت ، فراوله ) اللي يريحك علشان اللون الوردي انا استخدم فراوله

م ك ونص ملعقه عسل ، قليل من السكر ، ملعقه صغيره زيت زيتون واخلطي واستانسي لووووووووول


طريقتي لاستخدامه :
بالعاده استخدمه لما اسبح ، ف اول شيء احطه بفرشاه واقشر شفايفي فيه وأمسكه باصبعي واحرك بفشايفي علشان يعطيني لون جميل واسكر فمي عاد انتي اصبري خمس دقايق تقريبا وانتي ضاغطه علي شفتك وفيه المقشر >> يارب تفهمون ، انا أكون وقتها اغسل شعري فما احس بالوقت ، ثم افتحي شفايف واغسليه بشويش بالماء وادعي لي بتشوفين لون بتنجنين عليه لوووووووول



بعد التقشير نجي للترطيب

انا استخدم مرطبات BURT'S BEES
هذي اتحدي اوربيه ماعندها علي الأقل اثنين منه ، هذي الشركة كل منتجاتها طبيعيه جداً ومعروفة انا عندي ثلاث مرطبات من عندهم وكلها استخدمها ، فتحت شفايفي صارت ناعمه جداً وشكله تحسين مترطب ونظره ما شاء الله ، المشكله هي ما تنباع هنا بس بامريكا انا اخوي يدرس هناك ويجيب لي فاللي تقدر ابدا ابدا ما تتردد والله ادمان

المرطب الثاني اللي هي ايوس ، ايش اقول ايش اخلي نعومة وريحتها جممميله بس اكثر شيء لاحظته النعومه
أنا بالغالب استخدمها قبل الروج تعطي ترطيب ولا تأثر علي اللون كل نجوم هوليود يستخدمونه من جماله عندي منه ست انوع افضل شيء ( الفاكهه الاستوائيه، الفراوله، العسل، الليمون) الليمون فيه وقايه من الشمس وهذ يصلح لبنات المدرسة والجامعه واللي اشغاله بالصبح ، مشكلته مب متوفرة هنآ للاسف اللي تقدر تجيب لهآ أبدا لا تتردد وبتدعي لي .

الحين أكيد زعلتم لان كل مرطبات من برا بس شسوي اللي هنا ما ناسبني شيء فاشله جداً بس ممكن اقولكم كم حاجه جربتها

عندكم مرطب بودي شوب فعاليته مشابهه تقريبا لمرطب ايوس

بالنسبه لمرطب لابيلو اكرررررههه فاشل فاشل فاشل ودي يقطعونه من السوق كريه وجوده زي عدمه لووول


نجي الحين لقلوس طبيعي ميه الميه فوايده تفتيح شفايف بشكل مش طبيعي والله بتدعون لي

* انا ما ابتكرتها اخذتها من بنت من منتدي شمواه بس انا زدت عليها فيتامين اي علشان تحافظ علي المكونات وتفتح بزيادة *

الطريقه بحط لكم كلام البنت:

حبتين فراوله حمر ،، ملعقتين كبار جليسرين ،، ملعقة لوز مر ( يوحد لون الشفايف ويبيض ازا كانت
داكنه شوي ) ،، ملعقة سكر ،، ملعقة فازلين ..



قطعي الفراوله وحطي السكر وخليه ع نار خفييييييييييفه شوي ( 5 دقايق ) ..




اهرسيها بالشوكه ،، حطيها بالخلاط مع باقي المكونات ..
جيبي علبة الGLOSS الفارغه وعبيها فيه واستمتعي بأحلى GLOSS طبيعي بس ماتاكليه !!

وحطيه بالثلاجة اذا برد ضيفي له كبسولتين فيتامين اي وسلامتكم


^ ترا البنت سوريه لوووووووووووول والله من جدي اتكلم

استخدموه بس ترا ما يغني عن المرطب يعني ما شفت منه ترطيب بس تفتيح مبهر ف ما يغني عن المرطب أو التقشير يعني كله يكمل بعضه


آخر شيء واحسه مهم جداً جداً جداً اللي هو

مره بالاسبوع او باليوم اللي يريحك تاخذين ثلجه وتمررينها علي شفايفك بشكل دائري ثم بعد ما تخلصين تطبطبين علي شفايفك وبعدهآ حطي لك مرطب اللي يريحك وثم طبطبي عليه


هالحركه تساعد علي تحريك الدم فالشفايف مما يعطيهآ شكل نظر ويساعد ذلك علي تفتيح اللون ~> ترى من جدي مرا مهمه


طيب ولا تزعلون تبين مرطب تسوينه بالبيت ؟ اكيد اي ، انا عن نفسي احب الجاهز احسه أحسن لي لأني ما احب أخلط وانتم براحتكم، بس أكيد بعطيكم شيء مجرب مني

الكونات : ~> حسيت انه طبخه لووووو و وووول


ملعقتين زبده الشياء الصفراء خام ~> ممكن تستعملينهآ لحالها بدون اضافات

م ك فازلين ~> وهل يخفى القمر لووووووووول

اقل من ملعقه صغيره دم الغزال

م ص ماء ورد ~> ممكن تستعمليه لحاله قبل المرطب اذا نشف طبعاً ترا يفتح ويساعد علي التقشير

م ك زيت الجلسرين

وبس حطيهم بالمايكرويف اذا ما عندك ، حمام مائي بس أبدا ما تخلطونه بالنار مب زين نصيحه مني

ثم اذا ذابت المكونات اخلطوها عدل عدل كل وحده وشطارتهآ ثم خلوها تبرد لبردت قبل لا تنشف يعني حطي كبسولتين أو ثلاث من فيتامين اي وبس اذا نشفت استخدميه لشايفك

بنات ذي الخلطه انا ما استخدمهآ الحين بس بالمتوسط الحين احب السهولة بس ترى جداً مفيده

^
بنات الخلطه الأخيرة فوق انا مخترعتهآ لووووووول ميه بالميه ~> خفي علينا

المهم هذي عنايتي بشفايفي بسيط بس مفيد في أحلي من البساطه وحاجه اخيره هذا كله ما استعمله بوقت واحد لا موزع علي حسب ****لغي عاد انتم بشطارتكم سوا اللي يريحكم

والله تعبت وانا اكتب تخيلوا لي اربع ايام أنام ثلاث ساعات وأقوم مدري وش فيني كله عزايم وإرهاق مو طبيعي وعلي كذا بديتكم علي نفسي وكتب الموضوع لكم انتم المستفدين والله يقويكم وجملكم مو بعد هالتعب مافي ردود ترا ما بكمل ~> أوت

امزح بس من جدي بردو علي خاطري


ادعوا لي بالتوفيق والهدايه والرزق والله يشفي امي تاج راسي


وسامحوني علي القصور أحبكم فالله ~