مثل مشكله الاخت رفله الكل مقاطعنا وش السبب ماندري شوفو وش فكرت به

بسم الله الرحمن الرحيم


السلام عليكم ياحبيبات قلبي

وكل عام ونتم بالف خيرررررر

والله يكفيكم شر القطيعه



انا شفت مشكله الاخت رفله وتشجعت اكتب لكم تجاربي مع القطيعه وكل يوم حل


احنا متقاطعين مع عمامي من غير سبب بس بالعيد ابوي غصبهم يسون عيد نجتمع

الرجال احسن من الحريم المصيبه بالحريم

عمامي سته

واحد من عمامي متزوج خالتي يعني قرابه حييييييييييييييييل حتى الشبه والله ينات تقل خوات وناس مايفرقون بينا


تخيلووووو كلنااااااا بيوتنا جنب بعض نسمع اصواتهم وريحه طبخهم ولا يجون بيتنا


مرا قررت احسن العلاقات وكسر الحاجز

وروح لهم وسارو البنات يجوني نصهم موكلهم


شوي يتناقص العدد سارو ثنتين يجون لي وخالتي ابد الابدين ماتجينا الا بالعيد ولا احد مات ولااحد مريض ياكافي

اروح لها واحب راسها اقلها ليه ماتزورينا اتقهوي عندنا من يوم انا بالمتوسط اقلها تعالي تقول ماني فاضيه الغسيل البيت

اليييييييييييييييييييييييييين الحين يناس مومعقوله طنشت وتركتها براحتها

شوي شوي انقرضو بنات عمي كلهم مايجونييييييييييييييييييييي

اروح لهم بيتهم اقلهم ليه ماتزورنا به احد ينقل لكم كلام مثلا

يقولون لا بس محنا فاضين قلت لهم لا والله الا فاضين تروحون لناس والزواجات وحنا لا بس الكره والحب من الله

ولا البيت بالبيت كيف ماتفضون وكيف انا افضى ؟؟ مايردون بس كلمتهم ان شاء الله نجيكم

طنشت ولاعاد اسئلهم اجيهم لوجه الله يبنات والله القهوه يوم يجبونها لنا ولا الشاهي قديمه يعني يروحون بس يصخنوننهاو ماتنبلع وع اترك ماشربها

اخر مرا جوني فيها العيد اللي راح

بيت واحد من اعمامي من خمس سنوات وعرفنا انها فتنه من حريم وتركناهم ولايبون مجال لصلح

بيت عمي الثالث باين الكره فيهم لجيناهم مايتكلمون بس نشرب القهوه ونمشي

بيت عمي الرابع ههههههههههههههههه لجلسنا عندهم يهجون البنات مايكون الا الحرمه بس هع وسولف مع العجز

الخامس كبار بالسن ياحبي لهم بس عيال عندهم اجي ازورهم وامشي

ابي اعرف السبب ماعرف وش

اخرررررررررررر مرااااااااااااااااا قطعتهم نهائي مرا


ليه لاننا سكنا بالبيت الجديد وجنب بعض ولا وحده رفعت السماعه قالت مبروك ولاسئلو عنا ولافتحو الشباك قالو كيفكم جنب بعض مرااااااااااااااااااااااااااااااااااا تخيلو يبنا ثلاث حقوق علينا حق الله سبحانه وحق الجيره وحق القربه موحرام وربي يوجعني قلبي لفكرت بهم

بالعيد وربي بنات انا وامي وخواتي نسولف مع بعض وناخذ قهوه ونجلس هم بس يدفونا بالسلام دف يالطيف وش ذا

جاتنا ظرووووف صعبه ونمرض وتطيح امي بالفراش ويسير لنا اشياء وهم يعرفون والله يبنات مايجون ولايسئلون

وربي الشغالات الافريقيات بالمكان يعرفون امي يجون لها ويسلمون ويدعون ويتقهون والاقارب لااااااااااااااا بنات خالتي وبنات عمي ماكنهم اقارب ليه مدري كل وحده تقلب عيونها رايحه جيه تشوفي بعيونها الكره والحسد والقهر ليه مدري ؟؟

قررت بهالعيد ا سئلهم وحده وحده وقررت قبلها اكلم لجنه اصلاح ذات البين تحل بينا العقده هذي سنين وسنين مانزور بعض هذي السنه قطيعه تاااامه مرا ولاكن لك بهالدنيا احد لييييييييييييييييه ياعالم
يناس ليه مغلوبين حتى الرساله تهنيه ترا ماتكلف ارسلي جاملي اسئلي كيفكم اوف منكم

كل مرا انا وابوي نجلس نسولف ليه اقاربنا مايجونا نتعجب؟!

والله احس ان به احد فتان يطلعنا باسواااااااااااء صووووووره ويخرب علينا اكيد كذا حاسه

تدرون مرات اسوس وش اقول

اقول والله ياليت جلسنا على ايام زمان خيام وبيوت مخربشه وشعبيه

يوم جات البيوت الجديده الفلل وجدارها الاسمنت قست قلوب البشررررررررررر

الله على ايام زمان بالضحويه يتقهون والعصر وبالليل يتسامرون

الحين يالله بس حسن الختام


وش رائكم بالعيد اسئلهم كلهم بجمعت الاهل بستراحه هي؟؟؟ انا عندي الجراءه التامه

واذا مافي اي شئ يسر القلب ويتحسنون بقلهم انسو بنت عمكم وبيتهم خلاص

اللي ماحط لنا قدر وقيمه نقدر ننساه بسهوله