مجبوس الدجاج

هاي بنات ألطف الكائنات كيفكن؟؟
أنا منزله الموضوع علشان وحده من الأخوات طلبته مني وأنا باكتبه علشان تعم الفايده
المقادير:
دجاجه
بصل
ثوم
بهارات حب ومطحون (دارسين ,هيل ,ورق غار,مسمار,فلفل أسود,كاري بودر)
رز
زيت
معجون طماط
زعفران منقوع
صفار الزعفران
الطريقه
يقطع البصل ويضاف له بهارات مطحونه من كل نوع رشه وتحشى به الدجاجه وتخاط بالأبره والخيط علشان مايطلع الحشو
يوضع الدجاج في قدر به ماء مغلى مضاف له كل البهارات الغير مطحونه مع بصله غير مقطعه وفصي ثوم
بعد أن يستوي الدجاج يرفع ويوضع جانبا
يحضر الرز ويغسل ثم نحضر قدر نظيف ويضاف له زيت وبصل مفروم وبهارات مطحونه ثم الرز ويضاف له ماء الدجاج المصفى وعندما ينشف الماء نضيف الزعفران (يرش بالملعقه).
نحضر الدجاج ونخلط (زيت مع بهارات مطحونه وصلصه الطماط وصفار الزعفران) ويوضع بالفرن حتى يتحمر.
الحشو
يفرم بصل ويوضع عالنار بدون زيت ويقلب ونش عليه ماء ويقلب حتى يسود ويضاف البهار المطحون والنخي المسلوق
وطبعا لاتنسون الملح وتشيلون الخيط ويقدم مع الدقوس وبالهنا