مادري من يومين اشوفني نشيطه مطبخيا فحبيت انزل لكم مجبوس الدياي اللي زوجي مدمننه
أول شي شوفوا صورته
احين بقولكم طريقتي في تنظيف الدياي
طبعا اغسله بملح وخل واخليه مودن فيهم عشر دقايق تقريبا بعدين في جدر احط شويه سمنه وبهارات حب (هيل وجرفه ) من تطلع ريحتهم نحط الدياي نقلبه شويه وبعدين حبه ماجي وبصله مقطعه ارباع وليمونه بعد ارباع ونضيف الماي وشويه ملح(( هذي الطريقه تبيد اي ريحه او زفره للدجاج ممكن تستخدمينها للّحم)) لما ينضج اصفي الماي ونبهر الدياي بالبهارات اللي متوفره واقليه قلي خفيف مجرد تحمير وبجذه نكون خلصنا من الدياي ونتركه على جنب
نجي للعيش (الرز)
نقلي له بصلتين صغار لانه نحن بس شخصين وطماطه وحده وشويه بقدونس وكزبره حبه ثوم وقرنين فلفل اخضر حار ونضيف له الماي وشويه من مرق الدياي لما يبدا بالغليان نضيف لب الليمون الاسود وورق اللوري واخيرً العيش والدياي ونخليه يتسبك
وبالهني والعافيه
والله يسامحك جوعتيني