مجبوس دجاج أخضر !!! بالباجلا الخضراء ....
تفضلوا حياكم يا مال العافيه .....
ان شاء الله عجبكم !؟
وهذي المقادير والطريقه بالتفصيل الممل ...:)
المقادير :
1 دجاجه مقطعه نصفين - 2 كوب رز - 2 كوب باجلا ( باقلاء ) خضراء
2 بصل - 1 اشبنت - 1 كزبره
دارسين عود صحيح - كركم - بهارات مشكله - هيل - دارسين ناعم
ملح
1- تغسل الباجلا وتسلق حتى تلين قليلا ( لا تسوين مثلي وتخلينه لين
وايد ..وخلى الرز يصير لين بعد ) بعد ما تسلق ترش بالماء البارد وهي بالمصفاه وتترك ..
يغسل الدجاج ويوضع في قدر على النار حتى يغلي وتزال الزفره .ثم نضع عود الدارسين + بصله مقطعه + هيل + دارسين + بهار + ملح
ويترك حتى ينضج ثم نرفع الدجاج ويصفى الماء ..
2- يقطع البصل ويوضع في قدر على النار وكلما يلتصق بالقدر يرش بالماء حتى يتحمر قليلا ... ونحط عليه شويه زيت + هيل + دارسين
+ كركم + بهار ويحمس على النار ...
3 - نرفع قليل من الباجلا المسلوقه للزينه ..ونحط الباقي على البصل
مع الاشبنت والكزبره و نحمس الجميع واذا يحتاج زيت نحط شويه ..