شلونـــكم عساكم طيبين ؟ ..
الصررااحه اكلاتكم كلها رووعه .. وعشان جذي اشتركت في هالمنتدى .. وحبيت اني انقل لكم طريقتي في المجبوس الدجاج .. وان شاء الله يعجبكم ..
واي استفسار انا حاظرره
المقادير :
دجاجه مقطعه الى 4 قطع (( سوري نسيت اصور الدجاج عدل :$ بس هو يبين ان في الكيس ورا )) :cook:
2 بطاطا مقشره ومسلوقه نص سلقه ..
2 طماط مقطع
2 بصل مقطع
فلفل اخضر حاااار مفروم (( حسب الرغبه ))
بقدونس مفروم (( حسب الرغبه ))
2 م/ك معجون طماط (( أو حسب الرغبه))
البهارات : م/ص كمون + م/ص بزار + م/ص فلفل احمر بودر + م/ص كركم + نـــص م/ص ملح +نــص م/ص فلفل اسود بودر +2م/ك معجون طماط + 1 علبة ماجي
البهارات الصحيحه : حطي كل اللي عندج مثل هيل حب + دارسين عودي + مسمار حب + فلفل اسود حب
زيت للطباخ
عيش منقوع ومغسول جيدا
الطريقه :
نحط زيت على النار ونشوح البصل فيه .. لين يصير شوي بني
وبعدين نضيف عليه الطماط ونحركه شوي (( بس لاتخلون الطماط يذوب وايد .. لان هو اوريدي بيذوب عقب ))
ونضيف عليه معجون الطماط ونحركه شوي
وبعدين نحط قطع الدجاج والبطاطا ونحط عليه البهارات البودره + اليابسه + مكعبات الماجي (( انا هني نسيت احط الماجي من البدايه فحطيته عقب البهارات اليابسه )) وحطيت عليه ((شوي ماي تقريبا قلاص او اقل تقريبا وحركته شوي ))
وبعدين حطيت البقدونس + فلفل اخضر حار .. وضفت عليه قلاص ماي زياده وخليتهلين يستوي الدياي والبطاطا
أو انتوا تقدرون تميزون على حسب النظر يعني مايكون الماي وايد ولا يكون الماي شوي .. لازم يكون الماي وسط وخليته يطبخ وسكرت عليه بالقصدير وعقب حطيت الغطا عشان يطبخ بسرعه ..
يتبــــــــــع ..
وبعدها طلعت الدياي وخليته على جنب وضفت العيش في الجدر (( وعلى فكره الماي اللي في الجدر لازم يكون اعلى من العيش بـ آنش ونص ،، ))
وسكرت عليه ... وهاي شكل الماي (( ارفع من العيش بشوي .. يعني لما تضيفين الماي على العيش .. لازم تخلينه جذي انج تشوفين شوي من العيش ))
وهاي شكله لما استوا ..
وهني نجبته في الصحن ..
وفوقه الدياي (( ممكن انكم تقلون الدياي او تخلونه جذي .. طبعا انا احبه مقلي الدياي .. بس ريلي يحبه جذي نفس اللي في الصوره عشان جذي ماقليته ))
صوره اقررررب
قبل الانقضاء
بعد الانقضـاء
وان شاء الله فهمتوا من شرحي :$ ترى ماعرف اشرح كلش ..
وياليت كل وحده تكتب لي رايها .. مع اي انتقاد ..