جرحي عميق

جرحي عميق @grhy_aamyk

كبيرة محررات

مجبوس دياي ( دجاج ) بالصور

أطباق رئيسية

المقادير :

http://up5.w6w.net/upload/07-04-2006/w6w_20060407061142d36e6dc0.jpg

- دياي ( دجاج ) مقطع
- رز ( عيش ) جيلة ونص على قولة سكر ( قوطي العنصنص )
- 3 بصل ( جوانح )
- فلفل اخضر بارد ( مكعبات )
- 2 طماط ( اربع قطع )
- ثوم ( مدقوق بيد الهاون )
- لومي اسود ( مثقوب )
- بقدونس - جلجلان ( قطع ضغيرة جدا )
- 2 فلفل اخضر علوب
- ثوم حسب الرغبة
- ( ملح - بزار - فلفل اسود - ورق غار - مسمار - حبات فلفل اسود - كركم شوي )


الطريقة :

- نضع في الجدر الزيت بمقدار سم واحد ونحمر البصل + الثوم
( فلفل الاسود الدوائر الصغير - ورق الغار -
- نحط الدياي ونخلية لين يتحمر ونحط الطماط - الفلفل البارد والعلوب
- نصب الماي على الخلطة ونخلية يطبخ على نار قوية شوي
- نحط العيش ونسكر الجدر ونحطه على الحديدة ونار هادية لين يسكر
- بعد ربع ساعة نشيل الغطا ونشو اذا نشف من الماي يعني الطبق جاهز
ملاحظة :

اذا تبغين العيش نثر زيدي الدهن في القلي بمقدار سم واحد
واذا تبغين زفرة الدجاج تروح خليه يتحمر جيدا


وعلى فكرة اول مرة اسوي مجبوس

لا اله الا الله محمد رسول


ونقدمة مع سلطة روب + اجار منجه - سلطة عادي - بيبسي اهم شي

وانتظروا الصورة لين انزلهااا


وبالعافية مطرح ما يسري يمري


اسمحولي على الصور غداي وكنت مستعجلة
ولا سويت ديكور ولا شي
34
4K

يلزم عليك تسجيل الدخول أولًا لكتابة تعليق.

تسجيل دخول

عربيه 33
عربيه 33
مشكورررررررررره لكن وشهو - رز ( عيش ) جيلة ونص على قولة سكر ( قوطي العنصنص )
سكر
سكر
يعطيييك العافيه بعدي عليييج
سلمت يمينج ماقصرتي على ذي الطبخه

سكوووووووره ترحب
hh40
hh40
عربية33
قولها(- رز ( عيش ) جيلة ونص على قولة سكر ( قوطي العنصنص )
يعني -مقياسي للارز هو " قوطي ونص " وعلى ما قالت " سكر">>اسم عضوة بالمنتدى
قوطي العنصنص اللي هو قوطي الاناناس
اي ان الاخت تستخدم مقياس الارز " قوطي الاناناس "

هههههههههههههه شرح مفصل هههههههه بعد اذنك يا "جرحي عميق"
& زهـــرة الريف &
يسلمووووو
Pasta
Pasta
تسلم يدج حبيبتي