اختي الغاليه ... فديتك


هلا وغلا فيك وتسلمين يالغاليه . وتصدقين وايد ناس مثلك ما يسوون غير

الاسماء المشهوره من السمك .. انا والله مثلك قبل ما اتأهل يعني اتزوج ما كنت

اعرف شي عن السمك حتى ابوي الله يرحمه ما كان يشتري غير انواع معينه .

الله يسلمك زوجي حداق يعني يموت بصيد السمك واكل اي شي يطلع من البحر

سمك - خثاق - قباقب - محار - قواقع - ربيان طبعا يعني اي شي المهم من البحر

من هيك اعرف انواع السمك وكل نوع يصلح لاي طبخه وانا حاضره للطيبين ..


بس تابعيني وعطيني فرصه اكتب لك ..

شكرا لكي عزيزتي انتي الاحلا الطبخه جنان بس ودي اذا ماعليكي كلافه تعلمينا اطباق بالربيان لان ودي اتفنن فيه واطبخه عندي بالبيت ...

يسلموووووووو

ياليت القى هالنوع من السمك في أمريكا

اشتقت للكنعد والهامور
وغيره وغيره.....

الله يهنيكم
اذا رجعت من الغربه سويتها

اشلونك يا اختي الغاليه .... فديتك

يبت لك خوش معلومات عن السمك ان شاء الله

تستفيدين منها !!

اول شي اخذي عندك هالمعلومه مرات تلقين نوع من السمك طعمه حلو بالكويت

مثلا لكن في ديره ثانيه تلقينه مو حلو .. او بالعكس

يعني الشماهي الكويتي او الايراني روووعه بس السعودي مو بنفس الطعم .. قالوا

لي بس انا ما جربت انتوا حكموا .. وعندك سمك الحمره ...

بالكويت مو حلوطعمه مثل الاسفنج ما تحسين بطعمه بس ينفع لعمل الفيليه

مع الليمون والبقسماط يعطيه طعم .. وكذلك سمك الشعري الكويتي مو حلو

بس الاماراتي لذييييذ ...

انا باقول لك عن اسماء السمك اللي عندنا بالكويت بس ما ادري اذا كانت متوفره

في باقي الدول بس اعرف ان سمك الميد مو متوفر الا بالكويت وهو سمك صغير

جدا ما يتعدى طوله 10سم الى 15 سم ويصلح للشوي ...


للمجبوس والمرق :- طبعا الشماهي والكنعد اضافه الى ( الطلاح ) وهو الذ من

الزبيدي و بعد ( السكن ) و ( الدويلمي ) يمتازون بقله الشوك .

الشوي :- (النقرور ) وهو الهامور الصغير والصبور وبالخليج سمك النيسره

المرق والمطبق :- ( الشعم ) واااايد حلو

القلي :- ( البالول ) ويصلح للمرق بعد - الحمام - الصافي - الشيم - الخباط

بس سمك الضلعه طعمه مو حلو لا تشترينه ..

وانا حاضره لاي سؤال وعليك بالف عافيه يا رب

اختي العزيزه .. القموره اموره

الله يسلم عمرك يالغاليه ... حياك الله




اختي الحبيبه ... صالوح حبيبي

يا حليلك والله كلامك يونس ويشرح القلب الله يديم الفرح وعساك دوم مرتاحه

ومبسوطه .. ومشكووووره واااايد على كلامك الذوق ..

بس انا طلع خبري عتيج ... خالتي الحين تستعمل عيش ( غزال ) وانا حسبالي

( كنتري ) !!! وبالهندي !! مي سووري ماما انا ما يعرف اول هزا نيم مال عيش !!

بس انتي والله واجد حلللوه كلام ما ل انتي !! وانا ان ساء الله اهت لك طريقه قبوط

بسرأه ..





اختي الغاليه ... الهاجسه

الله يسلم عمرك يا رب ما قصرتي ..




اختي الحبوبه ... لمى وسمى

جزاك الله خير يا غاليه على كلامك وتشجيعك ... بس الربيان فيه انواع شنو تبين

بقسماط - مطبوخ مع الارز ( مربين ) - مرق ؟؟؟ بس آمري وان شاء الله احط لك

الطريقه .. انت تامرين امر ..







اختي الحبيبه ... ورد الريف

قلبي معاك والله .. احنا قاعدين نتكلم عن السمك وانت متشوقه ...

ان شاء الله تردين ديرتك بالسلامه وتاكلين السمك بالف عافيه .