غدانا كان مجبوس لحم بطريقة سهله ومبسطة ..
المقادير
لحم او دجاج
قدر ظغط
بهارات حب هيل وورق غار
وبصل مقطعة ارباع وكمون مطحون وكاري
مقادير الحشو
4بصلات وسط مقطعه عادي بالسكين
فص ثوم مهروس
شبت مفروم
بهارات فلفل اسود وملح وكمون
ملعقتين زيت زيتون
زبيب
الرز بسمتي منقوع في ماء حار نص ساعه
الطريقة
ناخذ البصل المقطع ارباع ونحط زيت بالقدر الظغط نحط علية البصل واللحم والبهار الحب والكمون ونملحه والكاري نحط موية مغلية نغطي فيها اللحمة ونغطي القدر ونخلية اللحمة تطبخ ساااعه
الحشو في قد اخر لاتحطين زيت فقط حطي البصل المقطع كله والثوم وحطي 3ملاعق موية وحركي لين يذبل ويصير شفاف ثم حطي الزبيب وحركي حطي الشبت وحركية وحطي البهارات والملح وحركية لين تتسبك اخر شي حطي ملعقتين زيت زيتون وحركية وطفي النار وحطي بصحن على جنب
الرز صفية و حطي الرز بقدر عادي جيبي موية تقريبا انا حطيت كاسة رز حطيت عليها كاسة ونص موية مجرد يتغطى بموية قليلة لانو البسمتي يستوي بسرعه وكمان كان منقع فراح يستوي على طول
الين يستوي وتنشف مويتة جيبي زعفران بودرة او زعفران ايراني حطي نص غطا موية ورد وشوية موية عاجية وملعقه شاهي زعفران بودرة وحطي على الرز بجهه وحدة بس يعني بيصير لونين الرز اصفر وابيض
خرجي اللحمة اغرفي الرز خذي شوي من مرق اللحم واسقي في الرز وحطي الحشوة وحطي لحمة عليهم وحطي ماتبقى من الحشوة فوق الللحم زيني طبقكك بليمون وطماطم وبيض مسلوق
سلطة التونة المشوية
المقادير
بصلة
وفلفلة رومي
وحبة طماطم
فاصوليا كمية بسيطة يعني 8قرون او 7 مقطع شرايح صغيرة
وفلفل حار اخضر قرن واحد مقطع شرايح
نشوي البصل على النار لين يصير اسود ووعلى طول نحطة جوت كيس ونكتمة عشان يتسهل علينا اخراج الطبقه السودا
اشوي الفلفل والطماط بنفس الطريقة وعلى الكيس واكتميهم
بعدين خرجيها ونزلي الطبقه السوداء منها وقطعي اخضار الي شويتيها تقطيع عادي
حطي بالصاج زيت زيتون والبصل ال شويتية وقطعتيه وكشني وحطي الفلفل الرومي والطماطم والتونة وكشني وحطي فص ثوم مدقوق وبهارات وملح
وجيبي قدر حطي زيت زيتون لازم وحطي الفاصولياوالفلفل ووالثوم وكشني وحطي بهارات وخل رشة وملح خفيف وكشني لين يبدا يتغير لونهم وغطي القدر لين يستوي
خذي كشنة التونة رصيها بالصحن وصبي عليها زيت زيتون رشة وحطي شطة عادية رشة اذا ماتبغين استغني عنها بعد ماتسوي الفاصوليات خرجيها وحطي طبقة على سلطة التونة واعصري ليمون وبالعافية
بالعافية وتنوكل بالخبز
قدمي مع المجبوس سلطة زبادي المعتادة او دقوس حار