السلام عليكم ورحمة الله وبركاته ~
شلووووووونكم حبايبي
انشغلت والله بدورة الإنجليزي :)
من زمان ما نزلت أطباق
اليوم يايبه لكم طبق معروووووووووف ومشهوووور
)() مجبووووووووووووس الدياي )()
كل بلد له طريقته
بس أنا
اليوم بعلمكم على طريقتنآ في صنع مجبوووس الدياي الكويتي روووووووعة
ولذيييييييييذ ماشاءالله ~
أنصحكم تطبقووونه لأنه جد ما ينشبع منه
تحطين منه صحن ورا صحن :22:
بسم الله ~
أول شي
هذآ شكله ~
اضغطي على الصورة للتكبير
وهنآ بالصحن مع + الحشووو الكويتي
شايفين حبات العيش شلون طويلة وتلمع ماشاءالله
الطريقة ::
1- بعد مانغسل الدجاج نسلقه بماء مع كزبرة وهيل وكمون ومسمار ودارسين ( كلهم حب مو مطحون ) لمدة ساعة إلا ربع ، وآخر ربع ساعة نضيف الملح .
2- نشيل الدجاجة من الماء وندهنها بشوية كركم ونعصرعليها ليمون ثم ندخلها الفرن أو نقليها بالزيت .
3- نقلي بصل ونضيفه لجدر ماء الدجاج (مرق الدجاج) بعد ما أزلنا جميع البهارات.
4- نضيف لماء الدجاج ماجي على حسب كمية العيش + ملح + ماجي بودر.
5- أول ما يطبخ الماي نضيف شوية زيت + العيش المنقوع + ليمون مقطعة لقطعتين ( ما نعصره .. مثل ما اهو ) << السر في الليمون :: يجعل العيش حباته طويلة ونثررري مثل مانقول.
6- أول مايخلص العيش نرش عليه الزعفران ونحط عليه الدجاج ونقدمه .
طريقة الحشووو ::
نضع المقلى عالنار ونحط فيها البصل المقطع بس يحمى البصل نرشه بالماء مرة ومرتين وثلاث ... لين مانشوف إنه البصل صار ذابل بعدين نضيف شوية زيت وليمون أسود مطحون ودارسين ونخي مسلوق مسبقاًَ .. وكشمش وفطر .. والفطر هنا اختياري
طريقة البيض::
طريقة البيض ::
نسلق البيض وإذا استوى نطلعه وندهنه بشوية كركم عشان يعطيه اللون الأصفر ونقليهم بالزيت كااااملين بدون لا نقصهم عشان لا يتفتتون في المقلى وعند التقديم يقطع البيض الى نصفين أو يقدم كامل كما هو..
ألف صحة وهنآ
:26: