مجتمعنا صاير كتلة حسد

قبل ابد موضوعي كل وحده قبل تقرا اتمنى من كل قلبي تحط ببالها
الله الرازق الله اللي خلق لكل شخص حياة غير عن الثانيه
ليه تحسدين ليه تغارين من بنات اقاربك او حماتك او سلفتك ليه تذبحين نفسك بالهم والحسد ياكلك
وتسببين مشاكل مالها اول من اخر من ذلك المكتوب هو اللي بيصير

الحياة كلها حتى الخوات صارو قلبوهم كلها حسد على خواتهم اذا الخوات يحسدون خواتهم كيف بالله الاقارب؟؟

انا ودي اعرف ليه الحسد والغيره والغيبه والحش بالفتره الاخيره السنين هاذي منتشره بقوه؟؟

قبل 10 و 15 سنه وقبل 20 و 25 سنه بعد ايام امهاتنا كانت القلوب صافيه ونظيفه ليه الحين حتى الحريم الكبار الصايمات المصليات

يغارون ويحسدون بيت ال فلان ان بنتهم جاها نصيبها او بنتهم مرتاحه بحياتها مع زوجها وتسافر وتروح وبنتهم العكس يروحون يتكلمون من وراها؟

ويسبون زوجها ان خروف لانه مدلعها ومسفرها؟ والله عيب عيب

والله اني اعرف قريبه لنا لها 14 سنه متزوجه وعيونها بس على بنات اقاربها وتترقب حياتهم وتروح تكلم مرت عمهم وتسب عمتهم عندها

وتروح تكلم عمتهم اخ زوجها وتسب سلفتها عندها وتجي تكلم امي وتسب عمتي ومرت عمي عند امي يعني انتشر الخبر بالعائله كلها ان فلانه

ذابحها الغيره والحسد من الناس وان لسانها وصخ كله غيبه ونميمه بس ماحد قادر يوقفها عند حدها لان هالصفه تمشي فيها

والله انها اذا سمعت ان سلفتها بتسافر او زوجها جاب لها شي تنقلب وتعصب وتجلس تسب سلفتها عند الناس ان السفر كله ذنوب وبلاوي وتروح تدوره لانه مو حاصل لها

الشي اللي ودي افهمه ليه تحسدين ليه تغارين من شي الله كاتبه لها يعني مو لان حياتها احسن من حياتك تكرهينها وتطلعين عليها كلام وتظلميها لانها احسن منك

سوا بشكل او زوج او اي شي من الدنيا

وقبل امس صديقتي تكلمني تقولي ان اختها ام عيال عمرها 40 سنه وصديقتي بالعشرينات ومتزوجين اخوان

تقول صارت تغار وتكايدني وكاني عدوه مو اخت وصارت توضح عيوب اختها لاهل زوجها وانها هي الحرمه السنعه واختها اللي فيها وفيها

والله عيب عيب صدق لما قالو بعض الحريم ناقصات عقل وكل ماكبرن انهبلن بزياده