مجتمعنا صح او غلط ؟؟؟

السلام عليكم ورحمة الله وبركاته
انا ما اعرف اسوي مقدمات عشان كذا بدخل بالموضوع على طول
.
.
.
.
.
.
.
.
.
.
.

بنات بسألكم عن التربية في هالوقت وهالزمن هالمجتمع
كيف اقدر اربي اولادي في وقت كل شي ممكن يشوفوه سواء عالنت عالتلفزيون عالجولات
يعني ما يصير احرمهم من كل هذا غير كذا ممكن يكون عندهم صدمة اذا كبرو ودخلو بالمجتمع لحالهم
وهم مو عارفين شي من حقيقة المجتمع اللي عايشينه
بنات قبل شوي انصدمت بخبر كم واحد صغير بالعمر خاطفين ولد بالمتوسط ومغتصبينه ومصورينه وهذي مو اول مرة لهم
هذا واحنا عايشين بمحافظة صغيرة يعني مو مدينة كبيرة
وقبل شوي كمان شفت صورة عورت قلبي لطفل مرمي بالزبالة حسبي الله على امن جابته
احنا وين عايشييييين بالضبط هل عايشين بالسعودية اللي كانت زماااان ويقولو احنا شعب محافظ احنا لنا خصوصية ومادري ايش
فوق هذا كل البلاوي هذي عندنا لا هذا واحنا ماندري عن اشياء كثيره تصير فيه بالسر
لا تقولو احنا شعب متدين لا والله احنا شعب يظهر كمتدين فقط لكن المظاهر غير
واللي بالقلب غير
يعني سوي اللي تبي بس اهم شي الناس لا تدري
شعب ازدواجي لاكبر حد
نراهن على ايمان الناس ودينهم واحنا ما ندري اذا دعينا ربنا بيتقبل دعانا ولا لا
مثال
وحدة متنقبه ولابسة عباه كتف لو انها تصلي طول الليل ببيتها و تصدق وكافلة يتيم راح نقول هذي مو ملتزمة على حسب شكلها
ووحدة عباتها عالراس ولابسة قفازات ايدين لو انها طول الليل مكالمات مع شباب وطلعات وتسوي كل المحرمات راح نقول ماشاء الله ملتزمة بناء على شكلها برضو
مثال اخر وحدة تفعل كل امور دينها ومتجنبه كل المحرمات ماعادا انها تسمع اغاني
ووحدة نفسها لكنها ما تسمع اغاني لكن تغتاب ودايم سيرة الناس على لسانها
الاولى براهن على دينها انها مو مرة مع ان معصيتها صغيرة ومافي ايه او حديث صريح على عقابها لكنها معصية
ومين فينا ما قد ارتكب معصية الله يعفو عنا بس
الثانية بنراهن انها ملتزمة مشاء الله عليها مع ان معصيتها كبيرة وذكر حدها بالقرآن والسنة
طيب ليه ؟؟؟
صرنا نهتم بالقشور ونترك الجوهر نهتم بالتفاتف ونهمل الاصل
عشان كذا النصب والكذب وقطع صلة الرحم والغيبة والنميمة والزنا اكل اموال اليتامى السحر وظلم النساء ( اه من ظلم النساء
الظلم ظلمات يوم القيامة) كلها كثرت ببلادنا
واغلبها من السبع الموبقات يعني المهلكات الموصلات لجهنم
واللي يقهر يقولك لو احنا مو متشديين على الحريم سواء بشغلهن او طلعاتهم او حتى سواقتهم للسيارة
كان صارت بلاوي ؟؟
سؤال : اكثرمن اللي حاصل مثلا
ايش الخلل قولو لي ابغى اعرف ايش الخلل اللي في مجتمعنا ؟
دراسة ودرسنا فقه وتوحيد من اولى ابتدائي لين ثالث ثانوي
ماحد مسويها من كل الدول الاسلامية
طيب وين الغلط
هل صحيح كل ممنوع مرغوب
لا تقولو هذا من الغرب ولا من افلامهم ومن هالكلام لو انا داخلي صح مافي شي بيغيرني صح او لا ؟
هل صحيح ثقافة العيب عندنا صارت اهم من الحلال والحرام ؟
اخيرا يابنات كيف اربي ولدي بهالمجتمع
هل اربيه على انه يسوي اللي يبغى ماعليه من احد دامه راضي رب العالمين
ولا لازم يرضي المجتمع كمان
اخيرا
سامحوني ان ماقدرت ارد عليكم مشاركاتي قليلة
لكن من الان انا ما ابغاكم تردو قد ما ابغاكم تفكرو بالموضوع بينكم وبين انفسكم
واللي تجي تراهن علي وعلى ديني بقولها انا واثقة بعلاقتي برب العالمين
وربي غفور رحيم عكس قلوب بعض البشر
وترى كل شاة معلقه من عرقوبها محدن محاسب الا عن افعاله
اخيرا يابنات فيه موضوع يقرقع براسي من زمان من كثر ما نشوف اللقطاء الله لا يوفق من رماهم بلا ذنب
ان يكون فيه قاعدة بيانات للدي ان اية او البصمة الوراثية لاي سعودي له سجل مدني
حتى لو لقو اي طفل مرمي يعرفو ساس امة وابوه ويتعاقبو عن فعلتهم
داريه انه الموضوع ملخبط لكن سامحوني
كلام بقلبي وكان لازم اقوله
مشكورين مقدما على تفضلكم بقراءة موضوعي