بسم الله الرحمن الرحيم
الحمدلله والصلاة والسلام على رسول الله وعلى آله وصحبه أجمعين
حبوباتي حنزل اليوم وصفة مجدرة رووووووووعة
واللي ما بحب المجدرة حيحبها
لئنها سهلة و طيبة و بتقرب للكشري
ان شاء الله تعجبكم طريقتي
نبدا بسم الله بالمقادير والطريقة سوا
اول شي حنجتاج عدس أسود طبعا بنقيه و بنغسلو و بنسلقو مع مي مغلية فيها معلقة صغيرة كمون
هاي العدس للي ما بعرفو ( قرأت بالمنتدى كزا مرة بحكولو ابو جبة ازا مو غلطانة )
ما بستنغني عن رزي المفضل تيلدا بس على فكرة مبطل زي أول كان احسن
هلأ بنجيب بصلتين الحجم الكبييييييييييير و بنقطعهم شرايح و بنحط عليهم معلقة طحين و شوية ملح
و بنفركهم مزبوط و بنقليهم بزيت غزير لحد ما يسير لونهم دهبي
مو اسود مفحمين ( نسيت اصورهم بعد ما خلصو)
على جنب بنفرم بصلة صغيرة فرم ناعم و بنقليها مع شوية زيت لما دبل بنحط عليها مكعب ماجي
بنحركهم سوا و لما تدبل البصلة و تختلط بالماجي بنحط عليها الرز المنقوع و العدس
و بنملحهم و بنبهرهم ( بهارات مشكلة ، قرفة ، زنجبيل مطحون) و بنحركهم عشان الرز ياخد نكهة البهارات
نسيت احكي انا هون استخدمت كاسة الا ربع عدس و كاسة و نص رز
و بندير عليهم مي مغلية ( لكل كاسة رز كاسة و نص مي)
حبيباتي لا تردو لأخلص
وبنغطي الطنجرة لحد ما يستوي الرز و بنحط من زيت البصل
تقريبا اربع الى خمس معالق كباااار ما قدرت اصور هاي الخطوة لئني كنت ماسكة الزيت بإيد و المعلقة بإيد
( بس زيت البصل بيعطي نكهة بتجنن للرز و لا تنسو تصفوه لئنو حيكون في بواقي طحين بقاع القلاية )
بنجيب بايركس كبير و بنحط طبقة رز بعديها طبقة معكرونة صغيرة مسلوقة بعدين البصل اللي قليناه
شوفو كيف الطبقات في البايركس
و أطييييييييييييييييييييب شي معها الدقوس الحاار
تم بحمد الله
يا رب تعجبك
دعواااااااااتكم