السلام عليكم حبيباتي
الحمدلله من قبل ومن بعد وعلى كل حال بعد جهد وبعد تأجيل هذه الفكرة لسنوات وبعد البحث الدقيق تيسرت الآن لي روحة لعمل الحقن المجهري في تركيا إن شاءالله بعد شهر ونص من الآن "
الله يبارك لي فيها يارب ..
تواصلت مع مستشفيات كثيرة نقاشات واستفسارات مع ارسال التحاليل وكذا وبعدها وبعد المقارنات بينهم رسيت على مستشفيين هم اللي ارتحت لهم
١- المستشفى الأمريكي في اسطنبول
ردودهم سريعة وتجاوبهم طيب وسعر عملية الحقن المجهري ب٤٣٠٠ دولا تقريبا يعني حدود ١٦ الف وقابل للزيادة حسب المستجدات
٢- مستشفى جينيمد هذا صراحه ارتحتله مره وعجبني ردهم وباللغة العربية ومسوين عرض رائع يحجزونلك مع العملية السكن في فندق قريب جدا منهم ٣ نجوم لمدة ٢٠ يوم مع التوصيل من وإلى المطار ب٤٣٠٠ دولار.. يعني ١٦ الف وشي
صراحة عجبني انهم شالو السكن معهم
وللأسف النت فقير جداً من تجارب الناس في هذا المجال ارجوووكم اللي سمع او له تجربة وش رايكم اختار الأول ولا الثاني ولاتنسوني بدعوة طيبة في هذا الشهر الفضيل ان الله يفرج همي ويسدد رميي ويبارك في مسعاي يااارب لأني تعبت والله :(
" ملاحظة الموضوع عن هالمستشفيين في تركيا " يعني بلييييز لاتجي وحده تقول لا روحي مصر ولا الأردن ولا مدري وين لأن سؤالي محدد ولأني متعمدة ابي التقنيات الأوروبية الحديثة في الحقن مابي دولة عربية

كل الأسامي خلصتوها @kl_alasamy_khlstoha
عضوة فعالة
يلزم عليك تسجيل الدخول أولًا لكتابة تعليق.

ياليت اللي عندها تجربة بتركيا تذكرها
ودعواتي لك بالتوفيق وان شاءالله ترجعين وانتي حامل يارب
ودعواتي لك بالتوفيق وان شاءالله ترجعين وانتي حامل يارب

والله ما عندي اي خلفية عن الموضوع بس اسأل الله العظيم رب العرش العظيم انه يباركلك فهذي السفرة وترجعين منها وانتي حامل حمل مبارك يا رب ، على فكره ممكن تكتبي سؤالك مترجم باللغة التركية وبعدين تنسخيه في قوقل وتدخلي المواقع الي بتطلعلك واكيد تحاولي تترجمي المكتوب فيهم الى العربية الين تحصلين على الشهدات الي تبغينها ، انشالله فهمتي قصدي لأَنِّي مشاء الله صفر فالشرح

الله يجزاكن خير حبيباتي على الرد وبإذن الله اكتب لكم تجربتي مفصلة تفصيييل لأني تمنيت أجد هالشي في فترة بحثي ..
المستشفى الأمريكي كل التجارب فيه من جهة ام خالد ولين لأنها اول من جربته وأشهرته عندنا اسأل الله يبارك لها في توأمها يارب ..
مستشفى جينميد اغلب مرتاديه من اوروبا والمملكة المتحده عشان كذا ماحصلت تجارب كثيره من عندنا فيه لكني الان في طور بحث مكثف عنه
ادعولي الله يكتب لي الخير طول الوقت استخير فيهن واستودعت الله أمري كله من قبل مبتداه الى نهايته
المستشفى الأمريكي كل التجارب فيه من جهة ام خالد ولين لأنها اول من جربته وأشهرته عندنا اسأل الله يبارك لها في توأمها يارب ..
مستشفى جينميد اغلب مرتاديه من اوروبا والمملكة المتحده عشان كذا ماحصلت تجارب كثيره من عندنا فيه لكني الان في طور بحث مكثف عنه
ادعولي الله يكتب لي الخير طول الوقت استخير فيهن واستودعت الله أمري كله من قبل مبتداه الى نهايته

الصفحة الأخيرة
انا ماعندي خلفية عن المستشفيات في تركيا لكن شوفي تجارب الناس في المستشفيين وكم نسب النجاح عندهم واللي ترتاحين له الله يكتب لك اللي فيه الخير