http://forum.hawaaworld.com/showthread.php?t=1304742
السلام عليكم ورحمة الله وبركاتة
كيف الحال وش الأخبار وش رايكم بالمطر
اليوم وبعد نومي العميق اللذي أمتد من الساعة 2 ظهرا وحتى الساعة 5 عصرا وبعد أمتحاني اللي أتمنى يكون زين :(مع أني وش أقول بس الحمد لله على كل حال
جلست اتصفح الأنترنت واتجول بين المواقع ووجدت شيأ جدا جدا روعة وتمنيت أني مشتركة بالموقع ذاك علشان أشكر ذيك الحرمة وأسألها
بس ماشاء الله عليها تبارك الرحمن وقلت لااااااااااااااااااااااااااازم أضعه هنا للبنيات والحريمات علشان زي ماسويت التورتلا لأخواني عشاءزي الي بالصورة بأسوي الباقي بأذن الله الله لايعوقن بشر أن شاء الله
ماشاء الله المطر وش زينة يهبل
يهبل
:arb:جعلها الله أمطار خير وبركة وعم بها أرجاء البلاد
كأني مذيع القناة الأولى ههههههههههههه
ماعلينا الله ينفع فيها الأهل والناس أجمعين أمين يارب
نبدأ بالموضوع يلة بسم الله الرحمن الرحيم
السندوشتات هاذي مرة مرة مرة شكلها كأنها الحلاو الكبار اللي يباع في البقالات مرة وش زينها مشاء الله
حلللللللللللللللوة
وهي ماشاء الله مقطعتها على اشكال وانا ملاحظة أنه خبز توست
ومحشيتة ومدهنه أطرافة بالجبن ومغمستها بالزعتر والسماق
التارت المالح بأله الجوزية وهذا شكلة
زي ماهو موجود
وطريقة المقادير
التارت هذا نفس شكل الجوزيه ويعمل بنفس الة الجوزيه الحلوه
بس طبعاً له مقادير غير
وهي:
2 و 1|2 كاس دقيق
1|2 كاس سمن
1|2 كاس حليب سايل
1|2 ملعقه صغيره p.p
1 بيضه
1|2 ملعقه صغيره ملح
تعجن جميع المقادير مع بعض ثم تقسم ثلاث اقسام
نضيف زعتر للقسم الاول والثاني سماق والثالث ساده او كمون
وطبعاً الحشوات ابدعي فيها
الصورة
نجي للتورتلا
ماشاء الله شغلها جدا جدا حلو
لاحد يرد لين أكمل
خبز هامبرغر مقسمته نصفين ومفرغتة وحاشيته طعمية فلافل
تر العامية متأصلة فيني
الحلى الروووووووووووووووووووووووعة
جدا جدا رووووووووووووووووووووعة
والعلب تقول أنها مأخذتها من محل بارس
واللي بالرياض يعني ماله شيء اللي تعرف وينها تعلمنا
ترا ياويلها ماتعلم
طريقة الحلى
الطبقه الاولى:
بسكويت دايجستف مدقوق+ربع زبده+3 او 4 سكر قصب السكر+ شوي نسكافيه مع مويه
تخلط المقادير مع بعض حتى تصير عجينه متماسكه
نضع من ملعقه الى ملعقتين بكل قالب
الطبقه الثانيه:
نذوب جالكسي بحمام مائي+قشطه
هالطبقه ابدن ماتقولين انها جالكسي ومع البسكويت يطلع حاقه عقييبه
الطبقه الثالثه:
ينثر على الشوكولاته حبيبات الارز
انا جبتها من باتشي اطعم
وش رايكم بشكلة جدا جدا رووووووووووووووووووووووووعة
حلى جلد النمر
جدا جدا
حلو بعد والأحلى العلب
الطريقةحلى جلد النمر
الطبقه الاولى:
2 كاس حليب بودره+ا كاس جوز هند
نحمسهم مع بعض حتى يشقرو>>اشقراني
نعجنهم مع قشطه+بيالة سكر ناعم+1|2 بيالة زيت
نحطها بصينية بايركس
الطبقه الثانيه:
8 جبن كيري+1|2 نستله
نحطهم بالفرن لمدة ربع ساعه
الطبقه الثالثه:
بسكويت اوريو (من دون الحشوه البيضاء) نكسره تكسيير عشوائي قوف الطبقه والثانيه
ولااازم تكون الطبقه الاثنيه حاره عشان تمسك الاوريو
الطبقه الرابعه:
2 كريم كرامل+سفن اب على النار يغلي شوي وبعدين نصبه على الاوريو برقه
ثم يوضع بالثلاجه
الصور
باقي حلى بس سهل وانا مشغوله جدا
بقولكم طريقتة وهو بسكويت ديمة مقطع قطع طولية ومغمس بالحليب النستلة ومغطى بالجوز الهند المشقر يعني اللي لونه أشقر
ومزين بالشكولاتة السائحة
وبس أنتهى الموضوع
واتاري التجول بين المواقع زييييييين
حياكم الله
لاتبخلون على بردودكم الزينة عاد