مجرب وثقه مجرب وثقه مجرب وثقه مجرب وثقه مجرب وثقه مجرب وثقه مجرب وثقه

السلام عليكم

سلام مني رضايف لهل الكرم والجود

شبقولكم عندي قصه ولكن اتشيب الراس انا يا طويلات العمر احب استخدم الصابون الطبيعي

للجسم لانه صراحه يخلي الجسم روعه روعه من ناحيت الون والنعومه وكل شي وانا استخدم

صابون الوز وبعد ما يخلص استخدم صابون السمسم وبعد ما يخلص استخدم صابون النخاله

وهذي تخفف الشعر في الجسم وعلى طول مخليتنها عندي وصراحه الشعر واااايد خاف انا

اصلان شعري خفيف المهم وصابون حبة البركه للويه روعه روعه ووايد اشيء بس طبيعيه

انا كنت اشتريهن عند وحده (.. ) الصابونه الوحده 60 درهم لنها تقولي اصلي وطبيعي

وحجمها مش كبير وتخلص وصرت ما استغني عنها ابدا قلت لازم اتصرف تعرفت على بنت

طيوبه على النت مغربيه وقلتلها الموضوع قالت هاتي عنوانج وانا بطرشلج وشوفي وطرشت

طلع مثل الي عندي بالضبط اتخيلوا بكم الحبه ب 7 درهم بفلوسنا ااااااااااااااااااااااااااه يالقهر

وقالتلي اذا خذتي كميه عادي يخلونه ب5 والمهم رحت وسويت تليفون للحرمه وواجعتها

وقالتلي انتي غلطانه هذا مش تليفون (......) وبعدين يوم اتصل ما ترد وقلت بالفكه ومسحت

رقمها من التليفون والحين الموضوع اريد انبهكم عن يضحكون عليكم ويبايعنكم بغالي

ترى الصابون طبيعي ولا يسوى اكثر من كم درهم وعلى فكره انا هنيه ما سوي دعايه

بس انبه البنات وانصحهم بالصابون الطبيعي من هالمكونات بس هاتوا الانتاج المغربي

واحذروا الغش كيف تعرفين انه طبيعي ريحته حلوه وريحت المنتج موجوده وبعد الحمام

نعومه وكانج مرطبه جسمج وعلى طول امسحي جسمج بمرطب طبيعي من صنع يديكي :23:

وفي وحده من ربيعاتي شافته ولقت منه في دبي يعني يبالكم لفه عند العطارين المغاربه

وبتلقونه وهيه اشترته من دبي 10 درهم .

مواصفات الصابون :

بدون علبه وشكله مرتب وحلو مستطيله متوسط رغوتها غنيه ريحتها على حسب نوعها

تحسين فيها فرش بس مالت الحبه السوده مشكله لان ريحتها شوي قويه يعني اذا معرسه لا

تستخدمينها بس هيه روعه للويه و احلى شي الوز وملفوفه في ورق شفاف

مثل مال الفواكه .

يالله الي عندها ربيعه في المغرب توصيها والي هنيه ادور والله الصابون قمه وانا ما كتبت لين

حسيت بالنتيجه اليه شهور معها يعني تجربه وثقه وترى قلتلكم لاني احبكم .

المنتجوات المغربيه الاصليه طلعت روووعه بس لا يضحكون عليكم بالسعر ولا يغشون

ووايد المحلات المغربيه في الخليج والي تعرف موقع للبيع مغربي يا ليت تحطه النا والمغاربه

الي عندنا في المنتدى شدن شوي حيلكن وخبرنا شو الاشيء الحلوه عندكم ترى ما نعرف غير

الحمام المغربي وهذا الصابون اما عن زيوت الشعر ما انصحكم فيها بالمره لانها وااايد قويه

وتعق الشعر :)

والسلام عليكم