السلام عليكم ورحمة الله وبركاته
اشحالكم
انا الحمدلله اليوم أحسن بفضل الله .

راعية مبدأ .. مردف .. صوت الكناري .. لجونة المجنونة
تسلمون غالياتي على الرد والله يسلمكم من كل شر ان شاء الله .. والحمدلله انا اليوم احسن حالي
خاطري ألف السوق أخلص اغراضي واغراض بنتي والبيبي بس ما ادري متى .

لجونة المجنونه
ليش تحاتين الولادة الغاليه .. انا على كثر ما تعسرت ولادتي بشواخي الا أني ما افكر في الولادة أبد .. الألم ساعه وبيهون ان شاء الله.. اهم شي البيبي ينزل بخير واشوفه بين احضاني ولا الولادة ما اريد افكر فيها ابد .. انتي يمكن ظايق صدرج لانه زوجج محد وتامه بروحج .. شو بسوين يوم هاي ضروف عمله .. صدق انج صايره حساسه يوم ولدج صيحج .. حبوبه سيطري على نفسج وحاولي تلهين نفسح بأي شي .

مشكوره ام عبد الرحمن
المشكله مثل ماتقولي يمكن الوحده زودت الموضوع على الله يهونها يارب علينا جميعا
اما امسك اعصابي غصب عني تنفلت
بس الله يهديني
ويصبرني ويعدي هالوقت على خير ان شاء الله

ام عبد الرحمن ماقلتيلي لقيتي سليب باق حلو ولا لا
بصراحه الي بسيتي بلازا مو كشخه مره عادين

هلا لجونه
جان على الاعصاب انا من حملت مضيعه اعصابي :(
لا الغاليه للحين ما لقيت .. بروح اسوي تفصيل عند وحده اعرفها ان شاء الله خلال هااليومين
الي في الستي بلازا ما يسوى اصلا اشوفينه على كل حد .. ونحن بيجينا عيد الاضحى وبيكونون البيبي يد دوب مكمل شهرين .. يعني يباله سليب باق كشخه .

انا شكلي باخذ الي بجكادي البيج مافيني افصل اصلا مااعرف خياطات كويسين
جربتي رحتي اوركسترا عنده هو كمان شغلات