حنين الفهد :

السلام عليكم ورحمه الله00 مشاء الله00 من العصر وانا اقراء بالردود وكل شوى تجين شغله ولا اكمل وارجع اقرا صفحه واسكر لين ماخلصت 00بالعاده يوم الخميس مايكون فيه احد00 &&&&&&&&&&& ياحليلكم تتكلمون عن زياده الوزن00 انا اول ماحملت كان 57 وباخر السابع كان 62 يعنى يعنى للحين 6 كيلو واتوقع انى زايده بس ماعليه لو عشر كيلو زياده مو مشكله لان اذكر بولدى اول حملى كان وزنى 50 وبالتاسع وصل 61 وخلال 3 شهور من ولدت رجع ل47وان شاء الله هالمره بعد يرجع وزنى ويارب ارضع طبيعى لانى نحفت بعد ماجبت ولدى بشكل وصار وزنى اقل من قبل زواجى00 &&&&&&&&& البارح صار موقف بايخ وكنت فى غنى عنه مع سلفتى00 وهو باختصار كنا جالسين نسولف ومن ظمن السواليف كيف نعدل بأجسامنا لانه توها والده وودها تنحف المهم تقول اهم شي عندى ان مايجى الزواج السنه الجايه الا انا صايره على سنقه عشره المهم البنت طول الوقت تتكلم عن الزواج اللى بيكون السنه الجايه انا على طول قلت ايه الله يوفقهم وهذى اول اخت لازواجنا لازم نتسنع ومن هالكلام مادريت الا تقول لى انتى اى زواج تقصدقين انا قلت زواج فلانه (اخت زوجى) قالت تمزحين ليش هى انخطبت قلت انا اقول عن العياره ليش مادريتى اكيد زوجك قال لك قالت لاوالله ماقالى واضح ان البنت انقهرت عاد حاولت ارقع الموضوع ماقدرت وانا احسب البنت متحمسه لزواج اخت زوجى اتارى قصدها زواج ولد اختها السنه الجايه00 عاد البنت يضيق صدرها وليش زوجى ماقالى يعنى انا غريبه وانا ساكنه عندهم واخدمهم بعينوى يخبون على0((0للمعلوميه ان الزواج اتحدد حتى القاعه حجزوها والخطوبه لها اكثر من شهرين00 واغلب معارفنا درو بس هى الضعيفه ماعلموها))00 عاد انا خفت انها تتهاوش مع زوجها وتقول ام نادر علمنتى ويحسبون انى انشر الخبر بس والله لو انى ادري لو واحد بالميه انها مادرت ماقلت00 :( بس ضاق صدري لانى حسيت بالبنت كيف مقهوره ومتضايقه وانا السبب فى ضيقتها00 ******** نجى لردود00 قوارير 00سلامات والله وانتى ناقصه خبات الله يهون عليك الله يسهل عليك ان شاء الله ويسر ولادتك وتجى وتبشرينا00 ******* جنونه00 سلامات والله بس الحمدلله انك ماطحتى على بطنك كان صارت علوم00 ودمك الله يعينك مره نازل00 شوفى انا ولله الحمد دمى 12 ومع ذلك اخذ فروز اف مناسبنى لانى مداومه عليه من قبل لاتزوج اخذه على فترات واحس ناسب جسمى وماسبب لى اى مشاكل00 عاد اللحين مدري كم النسبه بس ان شاء الله زينه00 شوفى حطى حيلك بازبيب الاسود كولى كذا موشرط تسوينه عصير معروف يرفع نسبه الدم00 ********** رسيل00 والله ضحكتين على بناتك وبنت اختك00 اذكر بنفاسي بولدى كان ايام عيد واخوانى واخواتى مجتمعين عند امى 00قسم بالله ماذقت طعم النوم وامى تسكت منا والا منا عاد مشاء الله جميع البزارين اللى دون السابعه بذاك الوقت 12 تخيلى واذا امى سوت لى اكل لازم تزود علشانهم 00 يعنى اسبوعين وانا على اعصابى بس يوم جت المدارس كلا راح لبيته وخف الازعاج حتى ولدى مانام زين وانتظم نومه الا بعد ماهجد البيت00 ولهالسبب قررت يكون نفاسي فى بيتى 00 اذكر مره امى سوت لى اكله ناسيه وشى المهم وهى تغرف دخلت عليه شغاله اخوى قالت ياسلام ريحه الاكل مره كويس وقالت امى خلين اصب لك بس عيت تأخذ تأكل00 المهم جابت امى الاكله قسم بالله ماوصلت بطنى الا وانا فى حاله مايعلم فيها الاربي الم موطبيعى وكان لى 20 يوم وطيران للمستشفى ومن بعدها كرهت هالاكله لان نفس الشغاله فيها00 كثير يقلون النفاس موزين ان احد يشوفه وهى تأكل او حتى تشرب00 ةوالله صادقين00 ********* مردف00 هلا فيك اخبارك 00 ******* هنى لبيز00 مشاء الله عليك ببنتك ولدتى اول التاسع بس كنتى تأخذين مسهلات او محرضات00 وشكلك ناويه على :arb: بقوه خخخخخخخخخخ:22: حت انا امهد لزوجى قال ياحليك اللحين مو قادرين كيف برمضان 00 ************** نونى00 كيفك وان شاء الله مرتاحه مع من بعد مااستقلتى00 وزين ماباقى لك شي على التجهيزات00 عاد انا لسا ماسويت شى000 ************ صوت الكنارى00 كيفك وكيف ضرسك ان شاء الله احسن00 ************ راعيه مبدأ00 انتى للحين ماتأكدتى من نوع الجنين والا لسا عندك امل بالبنت00 الله يعطى العطيه الصالحه00 اما سالفه المشيمه غريبه اصلا انا مادري اى وضعيه هى الزينه بس ان شاء الله ماعليك الا العافيه00 ******** ام معاذ00 ها كيفك وخلصتى تجهيز والا مثلى مدري متى ابتحرك00 وكيف نقص الحديد معاك0 ان شاء تطبقين النصايح اللى كتبتيها للجونه00 ************* ام شمانى هلا فيك00 كيف وكيف شمه وشهوده للحين حركاتها قويه00 سبحان اللخ بنتى حركتها مشاء اله عكس الولد ثقل طينته00 ******* لمسه حنان00 هلا فيك ونورت المجره00وربي يهون علينا ويرزقنا بولاده سهله00 سلمى على البنات فى ديوانيتكم00 ************ ام عبدالرحمن00 كيفك اليوم مابينتى00 وكيف الزكام معاك ان شاء الله خف00 ******** يارب ماكون نسيت احد واعذرونى اذا نسيت00

السلام عليكم ورحمه الله00 مشاء الله00 من العصر وانا اقراء بالردود وكل شوى تجين شغله ولا اكمل...

رسيل :

عرق سوس والله صادقة ولادة الخوات مع بعض ارحم من بعد بعض.. لكن ولو إذا كان عندهم بزارين تعب وصجة وقلق استغفر الله.. ما شاء الله شكل خواتك كثيرات وناسة.. أنا ما عندي إلا وحدة الله يخلينا لبعض.. وصادقة والله تعب بدون شغالة :( .. لكن الله يعين.. حنا توها تطلع ورقة الجوازات وبإذن الله بنقدم خلال أيام إن شاء الله.. أنتي متى بتجي شغالتك إن شاء الله؟ ============= راعية مبدأ هههههههه يحليل كوكي يا قلبي رجااااال :arb: مستحي من البنات.. يا حبي له.. :22: أنا بنتي تقريباً كذا يوم أدخلها الروضة ما تبي أولاد.. لحد ما سجلتها بروضة حلوة يفصلون البنات عن الأولاد.. يعين فصل بنات وفصل أولاد.. وارتحت مشت الحمد لله.. وإلا أول كانت تصيح تقول ما أبي أولاد أستحي منهم.. أما ألم الظهر.. فزيي بالضبط سبحان الله كأنك توصفين ظهري.. كأنه مرضض.. من الرقبة للأكتاف وعلى طول العمود الفقري لما العصعص..وأجناب الحوض.. كأن أحد ضاربني بالمطرقة من فوق لتحت سبحان الله أحس اللحم نفسه مرضض.. الله يآجرنا يا رب.. والمشكلة ما فيه أحد يهمز ولا يهتم.. حتى بناتي صاروا يتدلعون علي ما يرضون.. (ملوا من هالعجوز اللي بس تشكّى) وبالنسبة للمرة تنقعينها في قارورة موية.. عادية.. مب حارة.. وتخلينها طول الليل ويفضل 24 ساعة أحسن.. وبعدين تصب منها شوي على قطنة وتمسح وجهها مرتين باليوم الصباح أو الظهر وقبل النوم.. لكن يكون وقت ما تتعرض فيه للشمس وتخليه على وجهها أقل شي نص ساعة.. وبعدين تغسلها وتحط كريم لأنها تنشف الوجه شوي.. وممكن تحس بجفاف عادي أو حتى حكة... هذا معناه أنها جالسة تقتل الفطريات والجراثيم سبحان الله.. لكن انتبهي بعد ما تنقع تخليها في الثلاجة لأنها تتعفن.. وفي الثلاجة ممكن تجلس في حدود أسبوعين إلى 3 أسابيع بالكثييير... بعدها تقل فاعليتها.. ونفس الشي نقوع الشمم.. كذا.. لكن تشمين منها وتشربين شوية.. وبالنسبة للتمر وكونك تخافين منه علشان الحرقان.. دائماً إذا جيتي تاكلين تمر أو ركب.. اشربي معه لبن أو كولي زبادي.. يبررررررررد عليه.. أنا ما أحب التمر مع القهوة أحسه يحرق.. أحبه مع اللبن أو الزبادي أحسه بارد ويجنن خاصة على العشاء.. ============= أم عبدالرحمن شأخبارك مع الزكام؟ :09: الله يعينك يا رب.. أنصحك ابشري لك فصين ثوم كبار والهميهم مع الروب.. روعة ما شاء الله.. ثاني يوم تحسين بفرق.. وعندك بعد الليمون.. خذي لك ليمونة واحدة(إذا بن زهير أحسن وخذي ثنتين) واغسليها، وقطعيها أرباع وحطيها (بقشرها) في قدر فيه كاسين موية وخليها يغلي لما يتبخر كاس ويبقى كاس.. ثم صفيه وحطي عليه عسل واشربيه بعد ما يبرد شوي (يصير دافي).. يجننن سبحان الله أثره عجيب.. اشربي منه مرتين باليوم وبإذن الله خلال ثاني يوم تشوفين الفرق..

عرق سوس والله صادقة ولادة الخوات مع بعض ارحم من بعد بعض.. لكن ولو إذا كان عندهم بزارين تعب...