أم عبدالرحمن..

هذا لأنك شميتيه قبل الولادة..
وعلى فكرة.. الوحدة إذا شمت عطر قبل الولادة ممكن تتعسر والرحم ما ينفتح :( .. وبسرعة تجيها التهابات سبحان الله..
فعلشان كذا حاولي ما تشمين عطر قبل الولادة أبداً.. وممكن تجهزين لك قارورة صغيرة فيها نقوع مرة.. حطيها في الثلاجة قبل ولادتك بأسبوعين..
وإذا جت الولادة خذيها معك وشمي منها علشان ما تتأثرين بالعطور.. وممكن تشربين شوووووي بس..
والبعض يقول خذي معك كسرة صغيرة حلتيتة أو صبرة.. وشميها أثناء الطلق.. (عاد الله يعييييييين على الريحة) تفتح الرحم سبحان الله..
أنا ما جربت لكن الحمد لله ما كنت متعطرة ولا شميت عطر قبل الولادة..

أم معاذ

الشمم (الالتهاب) يحصل لأي جرح..
ممكن لخياطة الولادة الطبيعية.. وممكن للقيصرية.. (وهي أخطر)
وممكن حتى لسر البيبي اللي توه مولود..
علشان كذا يقولون عطريه شوي (عطر أطفال خفيف)..

وأنصحكم.. لا تتعطرون بعطر قوي أو مركز.. لا أيضاً ترى يحرق..
بعد الولادة بشوي تعطري بعطر خفيف..
وحطي لك معطر جسم في أباطك أو بودرة معطرة وبس.. وبإذن الله تعطيك مناعة..
لأن أيضاً دهن العود والعطور القوية خطرة شوي في هالمرحلة..

نوني

ههههههههههه
هذي خلطتك للحليب.. وبخط يدك:

المقادير:
1 م.ك ينسون حب + 1م.ك كمون حب + 1م.ك حبة بركة + 1م.ك شومر (حبة حلوة) + 3م.ك بذر الشبت
كلهم حبوب مو مطحونين بودر
تخلطينهم وتاخذين من الخلطة 1م.ك وتحطينها على كوب ماي دافي وتنطرين عليها شوي>>>اذا تحبين حليها بعسل طبيعي
تاخذين من هالخلطة 3 اكواب يوميا>>>او حطيها بترمس = مطارة وخليها يمج

مردف
رحت لدكتوورتي وقالت لي مافي سبب للدم الي ينزل احس انها ماتعرف تشخص حالتي وقالت لي ماقدر اعطيج شي ..روحي البيت وارتاحي وبس :(

غنج
رحت يالغاليه للدكتووره وماشووف عرفت تشخص حالتي ووضعي شكلي بكره بروح لاي دكتوره ثانيه ماني ساكته عن وضعي هذا ابدا:(

sara511
ان شاءالله من بكره اشووف لي دكتووره ثانيه بس انتوا ادعووووووولي وان شاءالله خير انا متووكله على الله وعسى ربي يتمم لي على خير يارب .

أم عـبـدالـرحـمـن
الله يسهل عليج غناتي وانا اقول يمكن عندج نقص في الكالسيووم ختيه يوم حامل شراتج وتشووفينها طول الووقت تهمز ريوولها جنها عيووز وصرفووولها كالسيوم واستوت بخير .

السلام عليكم و رحمة الله و بركاته

شخباركم يالعسولات

حبيت اسلم و راجعه لكم ان شاء الله .. ارد عليكم يا حبيباتي :26: :26: :26:

بنات وفيه شي يقولون ممتاز للولادة.. يسهلها بإذن الله

لكن!
وانتبهوا لكلمة لكن..
ما يصير تسوينه وأنتي ما جاك الطلق..

يعني بس إذا حسيتي أن الطلق شد مررررة.. وبدأ الجد..
تسوينها..
تاخذين شوية فيكس.. وتحطين عليه زنجبيل بودرة..
وتدهنين أسفل منطقة البطن وأعلى منطقة العانة (الحدة).. يعني مكان الرحم..

يقولون سبحان الله تحمي الطلق وتسرعه..

********

أيضاً..

يقولون إذا خلاص جيتي بتروحين المستشفى.. ومعك الشنطة.. سواء نازل عليك موية أو طلوق حامية..
سفي شوية محلب مطحون..
تعرفون المحلب.. شي مدور صغير.. جهزي من قبل ولادتك بأسبوع أو اسبوعين اطحنيه وحطي منه في علبة صغييييييييييرة..
وقبل لا تروحين المستشفى الهمي (ابلعي) منه ملعقة بودرة مع موية أو عصير.. أيضاً سبحان الله يسهل الولادة.. لكن يسرعها.. فانتبهي لا تاخذينه إلا قبل روحتك المستشفى أو في الطريق..

*****************
ولا تنسين تاخذين معك رطيبات..
أنا من الحين خزنت لي في الفريزر شوية رطب.. علشان إذا جيت أروح المستشفى ألقاه على طول..
سبحان الله.. الله أمر مريم عليها السلام أن تتناوله حين جاءها المخاض.. أو بعد ولادتها.. (اختلف في ذلك)..
فخذي منه قبل الولادة... وبعدها مباشرة.. في كلا الحالتين مفييييد جداً..

=================

أيضاً شرب الحليب مع فنجان زيت سمسم + مع مسمار (قرنفل) + قرفة (دارسين) والظاهر مع زنجبيل شوي
يقولون أيضاً أنه يحمي الطلق جداً ويسهل الولادة والله أعلم..

=====================

أيضاً عصير الأناناس مفيد قبل الطلق يحميه وأنا أذكر أخذته في ولادتي الأولى..
أما ولادتي الثانية فصادونيوحرموني من كل شي.. وتعسرت سبحان الله..

=============

الوصفات السابقة كلها أخذتها من مواضيع.. يعني قريت يجي عشر مواضيع.. وشفت زبدتهم وخبراتهم وسألت.. ولقيت أن هذولي أنفع شي.. وأضمن شي.. ما فيهم خطورة..

أما اللي يقولون زيت الخروع فانتبهوا.. لأنه يسبب للطفل اسهال ويخليه يخرج في بطن أمه وقد يسبب تسمم.. كما أنه يسبب خراب للمرأة بعد ولادتها...
أيضاً انتبهوا من الخلطات اللي فيها أشياء وأعشاب غريبة ما نستخدمها في حياتنا اليومية..
أسماء غريبة ومدري إيش..
ترى بعضها يسبب الكلى والحصوات وغيرها..

=====================

والله يسهل علينا كلللللللنا يا رب..
واللي عندها تجربة يا ليت تشاركنا وتساعدنا..